Poems

'ഗോവണി'- സുബിന്‍ അമ്പിത്തറയില്‍ എഴുതിയ കവിത

അവളുടെ മുറിച്ചുമരില്‍കിടുക്കന്‍ പെയ്ന്റിങ്,ആള്‍പ്പാര്‍പ്പില്ലാത്ത വീടിന്റെ തോളില്‍ ചാരിനില്‍ക്കുന്ന ഗോവണിഅതില്‍ പടര്‍ന്നുകയറുംകാട്ടുവള്ളിച്ചെടി

Author : സുബിന്‍ അമ്പിത്തറയില്‍

അവളുടെ മുറിച്ചുമരില്‍
കിടുക്കന്‍ പെയ്ന്റിങ്,
ആള്‍പ്പാര്‍പ്പില്ലാത്ത വീടിന്റെ തോളില്‍ 
ചാരിനില്‍ക്കുന്ന ഗോവണി
അതില്‍ പടര്‍ന്നുകയറും
കാട്ടുവള്ളിച്ചെടി.
ആ പടത്തിലേക്കുതന്നെ മിഴിച്ചുനിന്നു 
അവള് വന്ന് ഡോറടയ്ക്കും വരെ.

ഡിംലൈറ്റ് വെളിച്ചത്തില്‍
അവളുടെ എഴുത്തുമേശയ്ക്ക് 
പിന്നില്‍ ഞാനിരുന്നു.
അവള്‍ 
അരണ്ട വെട്ടം മാത്രമുടുത്ത്
ഉടല്‍ പാതി മേശമേലേക്ക്
മുട്ടുകയ്യൂന്നി വളച്ച്
എനിക്കെതിരെ നില്‍ക്കുന്നു
കണ്ണിലേക്കുറ്റുനോക്കിക്കൊണ്ട്.
ഞാനുമവളുടെ കണ്ണുകളില്‍
നോക്കിയങ്ങനിരുന്നു,
അവള്‍ക്ക് മുഖത്തും മാറിലും കണ്ണുകള്‍.

ഒടിഞ്ഞുവളഞ്ഞ നില്‍പ്പില്‍നിന്നുമവളെ
നേരെയാക്കാന്‍ തോന്നലുണര്‍ന്നു
വേഗം എഴുന്നേറ്റരികെച്ചെന്ന്
നെഞ്ചിലും പിന്‍കഴുത്തിലുമായ് 
കൈകള്‍ തൊട്ട് 
സൂക്ഷ്മതയോടെ
നിവര്‍ത്തിയെടുത്തു അവളുടെ വളവ്.

കൈകളുയര്‍ത്തി
നിവര്‍ന്നുള്ള നില്‍പ്പില്‍
അവള്‍ ഒരു പെണ്‍ഗോവണി

പിന്നൊന്നുമാലോചിച്ചില്ല
എടുത്ത് ഭിത്തിയിലേക്ക് ചാരി
വള്ളിച്ചെടിയായ് പടര്‍ന്നു.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

ബഹ്‌റൈന് നേരെ ഇറാന്‍ ആക്രമണം; വ്യവസായ കേന്ദ്രത്തില്‍ വന്‍തീപിടിത്തം

രാജസ്ഥാനില്‍ തീര്‍ഥാടക സംഘം അപകടത്തില്‍പ്പെട്ടു; ഒരു കുടുംബത്തിലെ ഒമ്പത് പേര്‍ക്ക് ദാരുണാന്ത്യം

ടെസ്റ്റില്‍ 108 സിക്‌സുകള്‍, സെഞ്ച്വറിയിലും നേട്ടം; റെക്കോര്‍ഡുകള്‍ അടിച്ചുകൂട്ടി പന്ത്

പന്തും ജുറേലും നിറഞ്ഞാടി, 720 റണ്‍സിന് ഡിക്ലയര്‍ ചെയ്ത് ഇന്ത്യ, 352 റണ്‍സ് ലീഡ്

ഗുരുവായൂര്‍ ക്ഷേത്രത്തിലെ സ്വര്‍ണമടക്കമുള്ള വസ്തുക്കളുടെ ആസ്തിവിവരപ്പട്ടിക വേണം: ഹൈക്കോടതി