അമ്മ ലതിക മോഹനൊപ്പം ഒരു കൃതി ആലപിക്കുന്ന വീഡിയോ സോഷ്യൽ മീഡിയയിൽ പങ്കുവച്ച ​ഗായിക അഭയ ഹിരൺമയിക്ക് നേരെ വിമർശനം. തന്നെ പരിഹസിച്ചവരോടും വിമർശനമുന്നയിച്ചവരോടും ശക്തമായ മറുപടിയാണ് അഭയ നൽകിയിരിക്കുന്നത്. സം​ഗീത സംവിധായകൻ ​ഗോപി സുന്ദറുമായുള്ള അഭയയുടെ വേർപിരിയലിനെ മുൻനിർത്തിയാണ് വിമർശനങ്ങളുയർന്നത്.

"ഹരിരിഹ ....

രാ​ഗം - രാഗേശ്രീ

താളം -ആദി

അഷ്ടപദി

കേൾക്കാനും ബോധം വയ്ക്കാനും തുടങ്ങിയ കാലം തൊട്ടു തുടങ്ങിയതാണ് ഇ കൃതികൾ !

പാടാനൊന്നും അറിഞ്ഞൂടത്ത കാലത്തും ഈ ട്യൂൺ ഒക്കെ മൂളി നടക്കും ...അമ്മയ്ക്ക് അമ്മയുടെ ഗുരു ശ്രീ നെയ്യാറ്റിൻകര മോഹനചന്ദ്രൻ സാർ പറഞ്ഞു കൊടുത്ത പല കൃതികളിൽ ഒന്ന്"- എന്നാണ് അമ്മയ്ക്കൊപ്പമുള്ള വീഡിയോ പങ്കുവച്ച് അഭയ കുറിച്ചത്. ഈ വീഡിയോയ്ക്ക് താഴെയാണ് വിമർശന കമന്റുകളുമായി ചിലരെത്തിയത്.

ആ ഗോപിയെ വിട്ടതിനു ശേഷമാണ് നിങ്ങൾക്ക് നല്ലൊരു ജീവിതം ഉണ്ടായത് എന്നായിരുന്നു ഒരാളുടെ കമന്റ്. അതെങ്ങനെ നിങ്ങൾക്ക് പറയാൻ കഴിയുമെന്നായിരുന്നു അഭയയുടെ മറുചോദ്യം. ​ഗോപി പോയതിന് ശേഷം നല്ല ലുക്ക് വന്നു, ജീവിതത്തിലും. കാരണം നിങ്ങൾ ഇപ്പോൾ ഒറ്റക്ക് ആണ് എന്നായിരുന്നു മറ്റൊരു കമന്റ്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

അങ്ങനെയൊരു തെറ്റ് ചെയ്തതായി എനിക്ക് തോന്നിയിട്ടില്ല. എന്റെ തെരഞ്ഞെടുപ്പുകളിൽ എനിക്കെപ്പോഴും അഭിമാനമുണ്ട്- എന്നാണ് അഭയ മറുപടി നൽകിയത്. അതേസമയം അഭയയുടെയും അമ്മയുടേയും കോമ്പോയെ പ്രശംസിക്കുന്നവരും കുറവല്ല. രണ്ടു പേരും നന്നായി പാടി എന്നാണ് ഭൂരിഭാ​ഗം പേരും കമന്റ് ചെയ്തിരിക്കുന്നത്.