ലഖ്‌നൗ: രാഷ്ട്രീയത്തിലേക്ക് പ്രവേശിക്കുമെന്ന സൂചന നല്‍കി ബോളിവുഡ് നടി കങ്കണ റണാവത്ത്. ശ്രീകൃഷ്ണന്‍ അനുഗ്രഹിച്ചാല്‍ അടുത്ത ലോക്‌സഭാ തെരഞ്ഞെടുപ്പില്‍ മത്സരിക്കുമെന്ന് കങ്കണ പറഞ്ഞു. രാവില ദ്വാരകധീഷ് ക്ഷേത്രത്തില്‍ എത്തിയതിന് പിന്നാലെയായിരുന്നു താരത്തിന്റെ പ്രതികരണം.
അടുത്ത ലോക്‌സഭാ തെരഞ്ഞെടുപ്പില്‍ മത്സരിക്കുമോ എന്ന ചോദ്യത്തിന് ശ്രീകൃഷ്ണന്‍ അനുഗ്രഹിച്ചാല്‍ മത്സരിക്കുമെന്നായിരുന്നു താരത്തിന്റെ മറുപടി.
അയോധ്യയില്‍ രാമക്ഷേത്രം നിര്‍മിച്ച ബിജെപിയുടെ നേതൃത്വത്തിലുള്ള കേന്ദ്രസര്‍ക്കാരിനെയും കങ്കണ പ്രകീര്‍ത്തിച്ചു. 600 വര്‍ഷത്തെ പോരാട്ടത്തിനൊടുവില്‍ ബിജെപി സര്‍ക്കാരിന്റെ ശ്രമഫലമായാണ് രാമക്ഷേത്രം നിര്‍മ്മിക്കാനായത്. സനാതന ധര്‍മ്മത്തിന്റെ പതാക ലോകമെമ്പാടും ഉയരണമെന്നും നടി പറഞ്ഞു.
കടലിനടിയില്‍ മുങ്ങിയ ദ്വാരക നഗരത്തിന്റെ അവശിഷ്ടങ്ങള്‍ സന്ദര്‍ശിക്കാന്‍ തീര്‍ഥാടകര്‍ക്ക് സൗകര്യമൊരുക്കണമെന്ന് കങ്കണ സര്‍ക്കാരിനോട് ആവശ്യപ്പെട്ടു. ദ്വാരക ഒരു ദിവ്യനഗരമാണെന്ന് ഞാന്‍ എപ്പോഴും പറയാറുണ്ട്. അവിടെ എല്ലാ അത്ഭുതകരമാണ്. ഭഗവാനെ ദര്‍ശിക്കാന്‍ എല്ലായ്‌പ്പോഴും ഇവിടെ വരാന്‍ താന്‍ ആഗ്രഹിക്കുന്നുവെന്നും നടി പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates