ന്യൂഡല്‍ഹി: അച്ഛനായ സന്തോഷം പങ്കുവച്ചിരിക്കുകയാണ് നടന്‍ നകുല്‍ മെഹ്ത. ബുധനാഴ്ചയാണ് നകുലിനും ഭാര്യ ജാന്‍കി പരീക്കിനും ആണ്‍ കുഞ്ഞ് പിറന്നത്. ശനിയാഴ്ച നടന്‍ ആരാധകരോട് ഈ സന്തോഷം പങ്കുവച്ചു. മകന്റെ കൈവിരലുകള്‍ പിടിച്ചുള്ള ചിത്രം പങ്കുവച്ചാണ് നകുല്‍ സന്തോഷവാര്‍ത്ത പുറത്തുവിട്ടത്. 

2012ലാണ് നകുലും ജാന്‍കി പരീക്കും വിവാഹിതരായത്. സോഷ്യല്‍ മീഡിയ വഴി കുഞ്ഞിനായി കാത്തിരിക്കുന്ന വിവരം ഇവര്‍ നേരത്തെ പുറത്തുവിട്ടിരുന്നു. 

ഹിന്ദി ടെലിവിഷന്‍ ഷോകളിലൂടെ ശ്രദ്ധേയനായ നടനാണ് നകുല്‍. പ്യാര്‍ കാ ദര്‍ദ്ദ് ഹെ മീഠാ പ്യാരാ പ്യാര എന്ന സീരിയലിലൂടെയാണ് നകുല്‍ കരിയറിന് തുടക്കമിട്ടത്. പിന്നീട് ഇഷ്‌ക്ബാസ്, ദില്‍ ബോലെ ഒബ്‌റോയ് തുടങ്ങിയ സീരിയലുകളിലൂടെ ശ്രദ്ധനേടി. നെവര്‍ കിസ് യുവര്‍ ബെസ്റ്റ് ഫ്രണ്ട്, ബേ കണ്‍ട്രോള്‍ തുടങ്ങി വെബ് സീരീസിലും നടന്‍ അഭിനയിച്ചിട്ടുണ്ട്.