മമ്മൂട്ടി നായകനായെത്തി ഏറെ ശ്രദ്ധ നേടിയ പേരൻപിന് ശേഷം പുതിയ ചിത്രത്തിന്റെ ഒരുക്കങ്ങളിലാണ് സംവിധായകൻ റാം. നിവിൻ പോളിയാണ് ചിത്രത്തിൽ നായകനായെത്തുന്നത്. നടി അഞ്ജലി നായികയാകുന്ന ചിത്രത്തിൽ തമിഴ് നടൻ സൂരിയും ഒരു പ്രധാനവേഷം അവതരിപ്പിക്കുന്നുണ്ട്. 

വി ഹൗസ് പ്രൊഡക്‌ഷൻസി​ന്റെ ബാനറിൽ സുരേഷ് കാമാച്ചിയാണ് ചിത്രം നിർമ്മിക്കുന്നത്.  സിനിമയുടെ ചിത്രീകരണം സെപ്റ്റംബറിൽ ആരംഭിക്കും.