കൊല്ലം ഓയൂരിൽ ഇന്നലെ കാണാതായ ആറു വയസുകാരി അബി​ഗേലിനെ കണ്ടുകിട്ടിയതിൽ സന്തോഷം പങ്കുവെച്ച് നടൻ ഷെയിൻ നി​ഗം. പട്ടാപകൽ കൊല്ലം ആശ്രാമം പോലുള്ള ഒരു സ്ഥലത്ത് പൊലീസ് പരിശോധനകൾ ഭേദിച്ച് കുഞ്ഞുമായി വാഹനത്തിൽ അവർ എത്തിയത് ആശങ്കയുണ്ടാക്കുന്നതാണെന്നും ഷെയിൻ ഫെയ്സ്‌ ബുക്കിൽ കുറിച്ചു. കൂടാതെ കുട്ടിയെ കണ്ടെത്താൻ മാധ്യമങ്ങൾ വഹിച്ച പങ്കിനെയും താരം അഭിനന്ദിച്ചു. 

ഷെയിൻ നി​ഗത്തിന്റെ ഫെയ്‌സ്‌ബുക്ക് കുറിപ്പ്

കേരളം ഉറ്റുനോക്കിയ ആ സന്തോഷ വാർത്ത വന്നിരിക്കുന്നു അബിഗെലിനെ കൊല്ലം ആശ്രാമം മൈതാനത്ത് വെച്ച് തിരികെ കിട്ടി. 

രണ്ടു കാര്യങ്ങളാണ് ഇക്കാര്യത്തിൽ പറയാനുള്ളത്.

1. കുട്ടിയെ തിരിച്ചറിയാൻ മാധ്യമ പ്രവർത്തകരുടെ പങ്കാണ് പ്രധാനം. ഇന്നലെ മുതൽ മാധ്യമങ്ങൾ കേട്ടു വന്ന സകല കുത്തുവാക്കുകളും ഭേദിച്ച് അവർ നടത്തിയ പ്രചാരണം കുട്ടിയെ കണ്ടെത്താനും തിരിച്ചറിയാനും സഹായിച്ചു എന്നതിൽ തർക്കമില്ല.

2. പോലീസ് എടുത്ത നടപടികളുടെയും സന്നാഹങ്ങളുടെയും ഫലമായിട്ടാണ് പ്രതികൾക്ക് ജില്ലവിട്ട് പുറത്ത് പോകാൻ സാധിക്കാതെ പോയത്. അതോടൊപ്പം കൊല്ലം ആശ്രാമം പോലെ ഉള്ള ഒരു പ്രധാന ഭാഗത്ത് പട്ടാപകൽ ഇത്രയും പോലീസ് പരിശോധനകൾ ഭേദിച്ച് ഈ കുഞ്ഞുമായി വാഹനത്തിൽ അവർ എത്തിയത് ആശങ്ക ഉളവാക്കുന്നു. 

സന്തോഷ വാർത്തയോടൊപ്പം ഇതിൻ്റെ പിന്നിൽ പ്രവർത്തിച്ചവരെ കണ്ടെത്താൻ പോലീസിന് സാധിക്കട്ടെ. 

ഈ വാർത്ത കൂടി വായിക്കൂ 

ഐഎഫ്എഫ്‌കെ മീഡിയ പാസ്സിനുള്ള അപേക്ഷ നാളെ മുതല്‍; മേള ഡിസംബര്‍ 9ന് തുടങ്ങും

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ