സിനിമയിലും ടെലിവിഷനിലും ഒരുപോലെ ശ്രദ്ധേയയാണ് ആര്യ. സോഷ്യൽ മീഡിയയിൽ ആക്റ്റീവായ താരത്തിന്റെ ഫോട്ടോഷൂട്ട് ചിത്രങ്ങൾ വൈറലാവാറുണ്ട്. താരത്തിന്റെ ഓണം ഫോട്ടോഷൂട്ടും ആരാധകരുടെ മനംകവർന്നിരുന്നു. അതിനിടെ നെ​ഗറ്റീവ് കമന്റുമായി എത്തിയ ആൾക്ക് ആര്യ നൽകിയ മറുപടിയാണ് സോഷ്യൽ മീഡിയയിൽ വൈറലാവുന്നത്. 

സെറ്റുസാരിയിലാണ് ആര്യ എത്തിയത്. ഓഫ് ഷോൾഡർ ബ്ലൗസിനൊപ്പമാണ് താരം സെറ്റ് സാരി സ്റ്റൈൽ ചെയ്തിരിക്കുന്നത്. തലയിൽ തുളസി മാലയും സ്വർണാഭരണങ്ങളുമായി പരമ്പരാ​ഗത രീതിയിലാണ് ആര്യ അണിഞ്ഞൊരുങ്ങിയത്. നിരവധി പേരാണ് താരത്തെ പ്രശംസിച്ചുകൊണ്ട് രം​ഗത്തെത്തിയത്. എന്നാൽ അതിനൊപ്പം തന്നെ ​ഗ്ലാമറസ് വേഷത്തെ വിമർശിച്ചുകൊണ്ടും ഒരു വിഭാ​ഗം എത്തി. 

ആ ബ്ലൗസ്‌ തിരിച്ചാണിട്ടിരുന്നതെങ്കില്‍ തകര്‍ത്തേനെ എന്നായിരുന്നു ഒരാളുടെ കമന്റ്. വൈകാതെ വിമർശനത്തിന് മറുപടിയുമായി താരം തന്നെ രം​ഗത്തെത്തി. ഒട്ടും മടിക്കണ്ട. താന്‍ ധൈര്യമായിട്ട് ഇട്ടു നടന്നോ. ആരും നിന്നെ ജഡ്ജ് ചെയ്യാന്‍ പോകുന്നില്ല. അത് നിങ്ങളുടെ ചോയ്‌സാണ്.- എന്നായിരുന്നു മറുപടി. 

ബഡായ് ബം​ഗ്ലാവിലൂടെയാണ് ആര്യ ടെലിവിഷൻ പ്രേക്ഷകരുടെ പ്രിയങ്കരിയാവുന്നത്. നിരവധി ടെലിവിഷൻ ഷോകളിൽ അവതാരകയായും താരം നിറഞ്ഞുനിന്നു. അതിനിടെ സിനിമയിലും ആര്യ സജീവമായി. 

ഈ വാര്‍ത്ത കൂടി വായിക്കൂ 

പ്രേതത്തിനു പിന്നാലെ ഭാവന: ഭയം നിറച്ച് ഷാജി കൈലാസിന്റെ ഹണ്ട്, ട്രെയിലർ​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ