കൊച്ചി: നടി ആക്രമിക്കപ്പെട്ട കേസില് മെമ്മറി കാര്ഡ് പരിശോധിച്ചതില് പുനരന്വേഷണം വേണമെന്ന് അതിജീവിത. പുനരന്വേഷണം ആവശ്യപ്പെട്ട് അതിജീവിത ഹൈക്കോടതിയില് ഹര്ജി നല്കി. അന്വേഷണത്തിന് എസ്ഐടിയെ നിയോഗിക്കണം എന്നും മെമ്മറി കാര്ഡിലെ അന്വേഷണ അട്ടിമറിയും അന്വേഷിക്കണം എന്ന് ഹര്ജിയില് ആവശ്യപ്പെടുന്നു.
സുപ്രീം കോടതി അഭിഭാഷക വൃന്ദ ഗ്രോവറാണ് ഹര്ജി നല്കിയത്. വസ്തുതാ പരിശോധനയിലെ കണ്ടെത്തലുകളിലാണ് പൊലീസ് അന്വേഷണം ആവശ്യപ്പെട്ടത്. ജില്ല പ്രിന്സിപ്പല് സെഷന്സ് ജഡ്ജാണ് വസ്തുത പരിശോധന നടത്തിയത്. പീഡന ദൃശ്യങ്ങള് ഉള്പ്പെടുന്ന മെമ്മറി കാര്ഡില് മൂന്ന് തവണയാണ് നിയമവിരുദ്ധ പരിശോധന നടന്നത്.
മെമ്മറി കാര്ഡ് അനധികൃതമായി പരിശോധിച്ചതില് ഹൈക്കോടതിയുടെ മേല്നോട്ടത്തില് ഉന്നത പൊലീസ് ഉദ്യോഗസ്ഥര് അന്വേഷണം നടത്തണമെന്നും എറണാകുളം പ്രിന്സിപ്പല് സെഷന്സ് കോടതിയുടെ വസ്തുതാന്വേഷണ റിപ്പോര്ട്ട് റദ്ദാക്കണമെന്നും ആവശ്യപ്പെട്ടു കൊണ്ട് നേരത്തേയും അതിജീവിത കോടതിയെ സമീപിച്ചിരുന്നു. എന്നാല് കോടതി ഈ ആവശ്യങ്ങള് തള്ളിക്കളയുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates