നടി ഭാവനയും കൂട്ടികാരികളും ചേർന്നുള്ള കിടിലൻ റീൽ ആണ് ഇൻസ്റ്റ​ഗ്രാമിൽ വൈറലാകുന്നത്. ശില്‍പ ബാല, മൃദുല മുരളി, ഷഫ്‌ന നിസാം എന്നിവരാണ് വിഡിയോയിൽ ഭാവനയ്ക്കൊപ്പമുള്ളത്. മുണ്ടും ഷര്‍ട്ടും ധരിച്ച്, കൂളിങ് ഗ്ലാസുംവെച്ചാണ് നാൽവർ സംഘത്തിന്റെ ഡാൻസ്.

സൈന്യം എന്ന മമ്മൂട്ടി ചിത്രത്തിവലെ 'ബാഗി ജീന്‍സും ഷോര്‍ട്‌സുമണിഞ്ഞ്' എന്ന ഗാനത്തിനാണ് താരസുന്ദരിമാർ ചുവടുവച്ചത്. മുണ്ട് മടക്കികുത്തി സ്റ്റൈലായി നടന്നുവരുന്നതും വീഡിയോയാല്‍ കാണാം.'ബാഗി ജീന്‍സും ഷൂസും ലഭ്യമല്ലാത്തതില്‍ ക്ഷമിക്കുക' എന്ന രസകരമായ ക്യാപ്ഷനോടെയാണ് ഇവർ വിഡിയോ പങ്കുവച്ചിരിക്കുന്നത്. 

ഷിബു ചക്രവര്‍ത്തി സംഗീത സംവിധാനം ചെയ്ത ഈ പാട്ട് ആലപിച്ചിരിക്കുന്നത് കൃഷ്ണചന്ദ്രന്‍, ലേഖ ആര്‍ നായര്‍, മനോ, സിന്ധു എന്നിവര്‍ ചേര്‍ന്നാണ്.

ഈ വാര്‍ത്ത കൂടി വായിക്കൂ "ഒരു ദിവസം ഞാൻ നിങ്ങളെ കണ്ടെത്തും!"; വ്യാജ ട്വിറ്റർ അക്കൗണ്ടിനെതിരെ അൽഫോൺസ് പുത്രൻ 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്‌. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ