ഷോർട്ട്ഫിലിമുകളിലൂടെ ശ്രദ്ധയയായി പിന്നീട് സിനിമയിലേക്ക് അരങ്ങേറ്റം കുറിച്ച താരമാണ് ദീപ തോമസ്. ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത് താരം പങ്കുവച്ച ഇൻസ്റ്റ​ഗ്രാം പോസ്റ്റാണ്. എന്തൊക്കെ വന്നാലും ആളുകൾ നമ്മെ ജഡ്ജ് ചെയ്യുമെന്നും മറ്റുള്ളവരെയല്ല സ്വയം ഇംപ്രസ് ചെയ്യാനായാണ് ജീവിക്കേണ്ടത് എന്നുമാണ് ദീപ കുറിക്കുന്നത്. 

എങ്ങനെയൊക്കെയായാലും, എന്തൊക്കെയായും ഏറ്റവും അവസാനം ഏതുവിധേനയും ആളുകൾ നിങ്ങളെ ജഡ്ജ് ചെയ്യും. അതുകൊണ്ട് മറ്റുള്ളവരെ ഇംപ്രസ് ചെയ്യുന്നതിനുവേണ്ടിയല്ല നിങ്ങൾ ജീവിക്കേണ്ടത്. നിങ്ങളെ സ്വയം ഇംപ്രസ് ചെയ്യാൻ വേണ്ടി ജീവിക്കൂ.- ദീപ തോമസ് കുറിച്ചു. 

നടി അനാർക്കലി മരിക്കാർ പകർത്തിയ ചിത്രത്തിനൊപ്പമാണ് താരത്തിന്റെ കുറിപ്പ്. പ്രമുഖ വെബ് സീരീസായ കരിക്കിലൂടെയാണ് ദീപ തോമസ് ശ്രദ്ധ നേടുന്നത്. തുടർന്ന് ഹോം, മോഹൻ കുമാർ ഫാൻസ് എന്നീ സിനിമകളിൽ അഭിനയിച്ചു. 
 

ഈ വാര്‍ത്ത കൂടി വായിക്കാം

'സ്വയം ഇരയാകാൻ നമ്മുടെ നാട്ടിലെ സ്ത്രീകൾക്ക് ഇഷ്ടം, എത്രകാലം ഇത് പാടിക്കൊണ്ടിരിക്കും'; മംമ്ത മോഹൻദാസ്

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ