മലയാളികളുടെ ഇഷ്ട നായികയാണ് ഹണി റോസ്. താരത്തിന്റെ ഫോട്ടോഷൂട്ടുകൾ സോഷ്യൽ മീഡിയയിൽ വൈറലാവാറുണ്ട്. ഇപ്പോൾ ശ്രദ്ധനേടുന്നത് താരത്തിന്റെ പുത്തൻ ​ഗെറ്റപ്പാണ്. കസവ് മുണ്ടും ബ്ലൗസും അണിഞ്ഞ് അതീവ ​ഗ്ലാമറസ് ലുക്കിലാണ് ഹണി റോസ് പ്രത്യക്ഷപ്പെടുന്നത്. 

താരം തന്നെയാണ് ഫോട്ടോഷൂട്ട് വിഡിയോ സോഷ്യൽ മീഡിയയിൽ പങ്കുവച്ചത്. ഇളം ചുവപ്പ് നിറത്തിലുള്ളതാണ് ഹണി റോസിന്റെ ബ്ലൗസ്. സിംപിൾ ലുക്കിലാണ് താരം പ്രത്യക്ഷപ്പെടുന്നത്. ആക്സസറീസ് ഒന്നും ഉപയോ​ഗിച്ചിട്ടില്ല. ബാല്‍ജിത്ത് ബിഎം ആണ് ഹണി റോസിന്‍റെ ഈ മനോഹര ചിത്രങ്ങള്‍ പകര്‍ത്തിയിരിക്കുന്നത്. സോഷ്യൽ മീഡിയയിൽ വൈറലാവുകയാണ് വിഡിയോ. 

ഹണി റോസിന്റേതായി നിരവധി ചിത്രങ്ങളാണ് അണിയറയിൽ ഒരുങ്ങുന്നത്. എബ്രിഡ് ഷൈൻ അവതരിപ്പിക്കുന്ന 'റേച്ചൽ' എന്ന ചിത്രത്തിന്റെ ചിത്രീകരണം ആരംഭിച്ചു. ആനന്ദിനി ബാല സംവിധാനം ചെയ്യുന്ന ഈ ചിത്രം ബാദുഷ പ്രൊഡക്ഷൻസ്, പെൻ ആന്റ് പേപ്പർ ക്രിയേഷൻസ് എന്നീ ബാനറിൽ ബാദുഷ എൻ എം, ഷിനോയ് മാത്യു, എബ്രിഡ് ഷൈൻ എന്നിവർ ചേർന്ന് നിർമ്മിക്കുന്നു. കൂടാതെ ശങ്കർ രാമകൃഷ്ണൻ സംവിധാനം ചെയ്യുന്ന ‘റാണി’ എന്ന ചിത്രത്തിലും പ്രധാന വേഷത്തിലെത്തുന്നുണ്ട്. ഉർവശി, ഭാവന, ഇന്ദ്രൻസ് എന്നിവരാണ് മറ്റ് പ്രധാന കഥാപാത്രങ്ങൾ. തെലുങ്ക് സിനിമയിലും നടി ഇപ്പോൾ സജീവമാണ്. 

ഈ വാര്‍ത്ത കൂടി വായിക്കൂ 

'വിജയ് ഭാവി മുഖ്യമന്ത്രി', പോസ്റ്ററുമായി ആരാധകർ

 സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ