ബോംബെ ഫാഷന്‍ വീക്കില്‍ തിളങ്ങി  നടി നേഹ ശര്‍മ. പക്ഷികളും പൂക്കളും നിറഞ്ഞ മഞ്ഞ ലഹങ്കയിൽ അതിസുന്ദരിയായാണ് നേഹ പ്രത്യക്ഷപ്പെട്ടത്. പ്രകൃതി സൗന്ദര്യത്തിൽ നിന്നും പ്രചോദനം ഉൾകൊണ്ടാണ് ഈ ലഹങ്ക ചെയ്‌തതെന്ന് ഡിസൈനർ അനിത ഷെട്ടി പറഞ്ഞു.

മുത്തുകളും സ്വീകൻസുകളും ഉയോ​ഗിച്ച് മാസങ്ങളെടുത്താണ് ഈ രൂപങ്ങൾ ലഹങ്കയിൽ തുന്നിച്ചേർത്തത്. ബ്രാലെറ്റ് പോലെ തോന്നിപ്പിക്കുന്ന ടോപ്പാണ് ഈ ഔട്ട്ഫിറ്റിന്റെ പ്രത്യേകത. ഫുള്‍ സ്ലീവിലുള്ള ടോപ്പിന്റെ കൈയിലും സ്വീക്കൻസുകൾ പിടിപ്പിച്ചിട്ടുണ്ട്. ദുപ്പട്ടയിലും അതേരീതിയിൽ സ്വീക്കൻസ് വർക്ക് ചെയ്‌തിട്ടുണ്ട്. ഇതോനൊപ്പം പച്ചക്കല്ലുകളോടു കൂടിയ ഹെവി നെക്‌ലേസ് ഔട്ട്ഫിറ്റിനൊപ്പം ചേർന്നു നിന്നു. 

ഫാഷൻ ഷോയുടെ ചിത്രങ്ങൾ താരം ഇൻസ്റ്റാ​ഗ്രാമിൽ സ്റ്റോറിയാക്കിയിരുന്നു. ഇതിന് പിന്നാലെ നിരവധി പേർ താരത്തെ വിമർശിച്ചും അനുകൂലിച്ചും രം​ഗത്തെത്തി. ​ഗ്ലാമർ മോഡലുകളായ പൂനം പാണ്ഡയോടും ഉര്‍ഫി ജാവേദിനോടു ചേർത്ത് പലരും താരത്തെ താരതമ്യപ്പെടുത്തി. ടോപ്പ് ധരിക്കാതിരിക്കുന്നതായിരുന്നു ഇതിലും നല്ലതെന്ന് ആളുകൾ കമന്റ് ചെയ്‌തു. അതേസമയം എന്ത് ധരിക്കണമെന്ന് തീരുമാനിക്കുന്നത് അവരവരാണെന്ന് താരത്തെ അനുകൂലിച്ചും ആളുകൾ കമന്റു ചെയ്‌തു.

ഈ വാർത്ത കൂടി വായിക്കൂ 

മമ്മൂട്ടിയുടെ ശബ്‌ദത്തിൽ മേജർ മഹാദേവൻ, 'ഏജന്റ്' മലയാളം ട്രെയിലറെത്തി

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ