തമിഴ്നാട് മുഖ്യമന്ത്രിയും നടനുമായ വിജയ്‌യുമായുള്ള വിവാഹമോചന ഹർജി അദ്ദേഹത്തിന്റെ ഭാര്യ സം​ഗീത പിൻവലിച്ചതിന് പിന്നാലെ വീണ്ടും സോഷ്യൽ മീഡിയയിൽ ചർച്ചയാവുകയാണ് നടി തൃഷ. സംഗീത വിവാഹമോചന ഹര്‍ജി പിന്‍വലിച്ചതോടെ തൃഷ എന്താണ് പറയാൻ പോകുന്നത് എന്നറിയാനുള്ള ആവേശത്തിലാണ് ആരാധകർ. വിജയ്‌യും തൃഷയും പ്രണയ ബന്ധത്തിലാണെന്ന് കോളിവുഡിൽ ഏറെ നാളായി അഭ്യൂഹങ്ങളുണ്ടായിരുന്നു.

സം​ഗീത വിവാഹമോചനം ആവശ്യപ്പെട്ടതോടെയാണ് അഭ്യൂഹങ്ങൾക്ക് ആക്കം കൂടിയത്. സംഭവത്തിൽ വിജയ്‌യേക്കാൾ‍ കൂടുതൽ കുറ്റപ്പെടുത്തലും പരിഹാസവും തൃഷയ്ക്കാണ് നേരിടേണ്ടി വന്നത്. ഇപ്പോഴിതാ മുൻപ് തൃഷ പങ്കുവച്ച ഒരു പോസ്റ്റിന് പിന്നാലെയാണ് ആരാധകർ. ആ പോസ്റ്റിൽ തൃഷ പങ്കുവച്ചിരിക്കുന്ന ക്യാപ്ഷൻ അർഥവത്താണ് എന്നാണ് പലരും കുറിക്കുന്നത്.

നമ്മളെ ബാധിക്കാത്ത കാര്യങ്ങള്‍ കണ്ടില്ല എന്ന് നടിക്കുന്നത് നമ്മുടെ ചോയ്സ് ആണ്, അത് തിരഞ്ഞെടുക്കുക, ചിരിക്കുക- എന്നാണ് തൃഷ ഫോട്ടോകള്‍ക്കൊപ്പം കുറിച്ചത്. ഒരാഴ്ച മുന്‍പ് പങ്കുവച്ച പോസ്റ്റ് കറക്ടാണ് എന്നാണ് പലരും കുറിക്കുന്നത്. തൃഷയെ പരി​ഹസിച്ചു കൊണ്ടും നിരവധി കമന്റുകൾ വരുന്നുണ്ട്.

സം​ഗീത തന്നെ വിജയിച്ചു എന്നാണ് പലരും കുറിച്ചിരിക്കുന്നത്. അതേസമയം കറുപ്പ് ആണ് തൃഷയുടേതായി ഒടുവിൽ തിയറ്ററുകളിലെത്തിയ ചിത്രം. ആർജെ ബാലാജി സംവിധാനം ചെയ്ത ചിത്രത്തിൽ സൂര്യയായിരുന്നു നായകനായെത്തിയത്. 250 കോടിയോളം ചിത്രം കളക്ട് ചെയ്യുകയും ചെയ്തു.