ഈ വർഷത്തെ മലയാളത്തിലെ സൂപ്പർ ഹിറ്റുകളിലൊന്നായി മാറിയിരിക്കുകയാണ് സവിൻ സാ സംവിധാനം ചെയ്ത 'വാഴ 2'. ഏഴ് ദിവസം കൊണ്ട് ചിത്രം 100 കോടി ക്ലബ്ബിലും ഇടം നേടിയിരുന്നു. ആ​ഗോളതലത്തിൽ 200 കോടിയും പിന്നിട്ടിരുന്നു ചിത്രം. ഹാഷിർ, അലൻ, വിനായക്, അജിൻ എന്നിവരാണ് ചിത്രത്തിൽ പ്രധാന വേഷങ്ങളിലെത്തിയത്.

ഇവരുടെ ഈ കൂട്ടുകെട്ട് തന്നെയാണ് ചിത്രത്തിന്റെ വിജയമായി മാറിയതും. സിനിമയിലെത്തുന്നതിന് മുൻപ് തന്നെ സോഷ്യൽ മീഡിയ റീൽസിലൂടെ താരങ്ങളായവരാണ് ഹാഷിറും വിനായകും അലനുമൊക്കെ. സോഷ്യല്‍ മീഡിയ ഇന്‍ഫ്‌ളുവന്‍സേഴ്‌സായി തുടങ്ങിയതാണ് നാല് പേരുടെയും കരിയര്‍.

പ്രേക്ഷകരെ ചിരിപ്പിച്ചും ചിന്തിപ്പിച്ചും അവര്‍ കയ്യടി നേടിയ ഈ നാല്‌വർ സംഘം ഒരുമിച്ച് സിനിമയിലും എത്തുകയായിരുന്നു. ഹാഷിര്‍ ആണ് ഇങ്ങനെ ഒരു കൂട്ടുകെട്ടിന് തുടക്കം കുറിച്ചത്. ‌‌‌ഇപ്പോഴിതാ ഹാഷിറിനെക്കുറിച്ച് അലൻ പങ്കുവച്ച ഒരു കുറിപ്പാണ് സോഷ്യൽ മീ‍ഡിയയിൽ ശ്രദ്ധേയമാകുന്നത്.

'അന്ന് എന്നെ വിഡിയോ എടുക്കാൻ നീ വിളിച്ചില്ലായിരുന്നെങ്കിൽ ഇന്ന് ഈ കാണുന്ന ഞാൻ ഉണ്ടാകില്ലായിരുന്നു...'- എന്നാണ് അലൻ ഹാഷിറിനൊപ്പമുള്ള ചിത്രം പങ്കുവച്ച് കുറിച്ചിരിക്കുന്നത്. 'കഴിവുള്ളവർ കേറി വരട്ടെ' - എന്നാണ് ഹാഷിർ മറുപടിയായി കുറിച്ചിരിക്കുന്നത്.

നിരവധി പേരാണ് പോസ്റ്റിന് താഴെ കമന്റുമായെത്തിയിരിക്കുന്നത്. അതേസമയം വാഴ 2 ഒടിടിയിലേക്കും എത്തിയിരിക്കുകയാണ്. ജിയോ ഹോട്ട്സ്റ്റാറിലൂടെ മെയ് 8 മുതൽ ചിത്രം സ്ട്രീമിങ് ആരംഭിക്കും.