കാർത്തി, അരവിന്ദ് സാമി എന്നിവർ പ്രധാന വേഷത്തിലെത്തിയ ചിത്രമായിരുന്നു മെയ്യഴകൻ. പ്രേംകുമാർ ആണ് ചിത്രം സംവിധാനം ചെയ്തത്. തിയറ്ററിൽ ചിത്രം വേണ്ടത്ര ശ്രദ്ധ നേടിയില്ലെങ്കിലും ഒടിടിയിൽ പ്രേക്ഷകർ ഇരുകൈയ്യും നീട്ടി സ്വീകരിക്കുകയും ചെയ്തു. ഇപ്പോഴിതാ ചിത്രത്തെ അഭിനേതാക്കളെയും പ്രശംസിച്ച് രംഗത്തെത്തിയിരിക്കുകയാണ് നടൻ അനുപം ഖേർ. ലളിതവും മനോഹരവുമായ മികച്ചൊരു ചിത്രമാണ് മെയ്യഴകൻ.

ചിത്രം കണ്ട് താൻ ഒരുപാട് കരഞ്ഞെന്നും അനുപം ഖേർ എക്സിൽ കുറിച്ചു. 'മെയ്യഴകൻ കണ്ടു. എന്തൊരു മികച്ച ചിത്രം!! ലളിതവും മനോഹരവുമായ ചിത്രം, ഒരുപാട് കരഞ്ഞു. എൻ്റെ സുഹൃത്തുക്കളായ അരവിന്ദ് സാമിയും കാർത്തിയും ചിത്രത്തിൽ മികച്ച പ്രകടനമാണ് കാഴ്ചവെച്ചിരിക്കുന്നത്. സിനിമയുടെ ഓരോ ഡിപ്പാർട്ട്‌മെൻ്റും ഗംഭീരം! മുഴുവൻ ടീമിനും അഭിനന്ദനങ്ങൾ പ്രത്യേകിച്ച് സിനിമയുടെ സംവിധായകൻ പ്രേംകുമാറിന്', - അനുപം ഖേർ കുറിച്ചു.

'അതൊരു ദുഃസ്വപ്‌നം പോലെ കരുതുകയാണ്': സ്വകാര്യ വിഡിയോ ലീക്കായതില്‍ പ്രതികരിച്ച് നടി പ്രഗ്യ നഗ്ര

സെപ്റ്റംബർ 27 നായിരുന്നു മെയ്യഴകൻ തിയറ്ററുകളിലെത്തിയത്. നടൻ സൂര്യയും ജ്യോതികയും ചേർന്നാണ് ചിത്രം നിർമിച്ചത്. ശ്രീദിവ്യ, രാജ് കിരൺ, ദേവദർശിനി, ശ്രീരഞ്ജിനി, ജയപ്രകാശ്, ഇളവരസു, കരുണാകരൻ, ശരൺ ശക്തി, രാജ്കുമാർ, ജയപ്രകാശ്, സരൺ എന്നവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചു.