നീണ്ടൊരു ഇടവേളയ്ക്ക് ശേഷം അനുഷ്ക ശര്മ തിരികെ വരുന്നു. ബോളിവുഡിലൂടെയല്ല പക്ഷെ അനുഷ്കയുടെ തിരിച്ചുവരവ്. സിനിമാ സ്നേഹികള് ആകാംക്ഷയോടെ കാത്തിരിക്കുന്ന അല്ലു അര്ജുന്-ആറ്റ് ലി ചിത്രത്തിലൂടെയാണ് അനുഷ്കയുടെ തിരിച്ചുവരവെന്നാണ് റിപ്പോര്ട്ടുകള്.
അല്ലു-ആറ്റ് ലി ചിത്രത്തിലെ നായിക ദീപിക പദുക്കോണ് ആണ്. ദീപികയ്ക്ക് പിന്നാലെ ബോളിവുഡില് നിന്നും അനുഷ്കയും ചിത്രത്തിലേക്ക് എത്തുന്നുവെന്നാണ് പുതിയ റിപ്പോര്ട്ടുകള്. അനുഷ്കയുടെ ആദ്യ തെലുങ്ക് ചിത്രം കൂടിയാകും ഇത്. പേര് ഇടാത്ത ചിത്രത്തിന്റെ ചിത്രീകരണം നടന്നു വരികയാണ്.
പുഷ്പ 2വിന്റെ വന് വിജയത്തിന് ശേഷം വരുന്ന അല്ലു അര്ജുന് ചിത്രമെന്ന നിലയില് ആരാധകര് പ്രതീക്ഷയോടെ കാത്തിരിക്കുന്ന ചിത്രമാണിത്. സാങ്കേതികമായി ഏറെ മുകളില് നില്ക്കുന്ന, പുതിയൊരു ദൃശ്യാനുഭവമായിരിക്കും ചിത്രമെന്നാണ് റിപ്പോര്ട്ടുകള് പറയുന്നത്. 2026 അവസാനത്തോടെയാകും സിനിമയുടെ ചിത്രീകരണം പൂര്ത്തിയാവുക.
അതേസമയം ഇന്ത്യന് ക്രിക്കറ്റ് ഇതിഹാസം ജുലന് ഗോസ്വാമിയുടെ ജീവിതകഥയിലൂടെ അനുഷ്ക തിരികെ വരുമെന്നായിരുന്നു റിപ്പോര്ട്ടുകള്. എന്നാല് ഈ ചിത്രം ഉപേക്ഷിച്ചതായാണ് റിപ്പോര്ട്ടുകള്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates