കോഴിക്കോട്: ചലച്ചിത്ര സഹസംവിധായകനും സിനിമാ പ്രവര്‍ത്തകനുമായ ബോബി മോഹന്‍ അന്തരിച്ചു. 45 വയസായിരുന്നു. വടകര സ്വദേശിയായ ബോബി ദീര്‍ഘകാലമായി സിനിമാസംബന്ധമായ വിവിധ മേഖലകളില്‍ ജോലി ചെയ്തുവരികയായിരുന്നു.

സിനിമയിൽ മാത്രമല്ല സീരിയൽ, പരസ്യചിത്രങ്ങൾ തുടങ്ങിയവയിൽ പ്രവർത്തിച്ചിട്ടുണ്ട്. വയലാര്‍ മാധവന്‍കുട്ടി സംവിധാനം ചെയ്ത പ്രശസ്ത സീരിയൽ ജ്വാലയായിലെ സഹസംവിധായകനായാണ് ബോബി മോഹന്‍ ഈ രംഗത്ത് എത്തുന്നത്. 

മലയാളത്തിലും തമിഴിലുമായി ഒട്ടേറെ സിനിമകളില്‍ പ്രവര്‍ത്തിച്ചു. കൂടാതെ ഒട്ടേറെ ഹ്രസ്വചിത്രങ്ങളും പരസ്യചിത്രങ്ങളും ആല്‍ബങ്ങളും ഒരുക്കിയിട്ടുണ്ട്. സഹപ്രവർത്തകർ ഉൾപ്പടെ നിരവധി പേരാണ് ബോബിക്ക് ആദരാഞ്ജലി അർപ്പിച്ചിരിക്കുന്നത്. നയന ആണ് ഭാര്യ. ഒലിവിയ മകളാണ്. 

ഈ വാര്‍ത്ത കൂടി വായിക്കൂ

ചുമ്മാ തീ; 10 മിനിറ്റ് തിയറ്റർ പൂരപ്പറമ്പാക്കി, രജനീകാന്തിനൊപ്പം ട്രെൻഡിങ്ങായി മോഹൻലാൽ​

 സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ