ടിജെ ജ്ഞാനവേൽ ചിത്രം വേട്ടയ്യൻ തിയറ്ററുകളിൽ പ്രദർശനം തുടരുകയാണ്. ചിത്രത്തിൽ രജനികാന്തിനൊപ്പം തിളങ്ങി നിന്ന കഥാപാത്രമായിരുന്നു ഫഹദിന്റെയും. ബാറ്ററി എന്ന വിളിപ്പേരുള്ള പാട്രിക് എന്ന കഥാപാത്രമായാണ് ചിത്രത്തിൽ ഫഹദെത്തിയത്. അതിയൻ എന്ന പൊലീസ് ഓഫീസറായി രജനികാന്തും അമ്പരപ്പിച്ചു. രജനികാന്ത് - ഫഹദ് കോമ്പിനേഷൻ രം​ഗങ്ങളെല്ലാം പ്രേക്ഷക മനം കവർന്നിരുന്നു.

ഇപ്പോഴിതാ വേട്ടയ്യനില്‍ നിന്ന് ഒഴിവാക്കിയ ഒരു രംഗം പുറത്തുവിട്ടിരിക്കുകയാണ് അണിയറപ്രവർത്തകർ. 'സാർ നീങ്ക കേട്ട ഡീറ്റെയ്ൽസ്'- എന്ന ഫഹദിന്റെ ഡയലോ​ഗോടെയാണ് വിഡിയോ തുടങ്ങുന്നത്. അതിയൻ- ബാറ്ററി കെമിസ്ട്രി ക്യൂട്ടായിട്ടുണ്ടെന്നാണ് വിഡിയോയ്ക്ക് കമന്റായി ആരാധകർ കുറിച്ചിരിക്കുന്നത്. മഞ്ജു വാര്യരാണ് ചിത്രത്തിൽ നായികയായെത്തിയത്.

സൈബര്‍ ഇടം സുരക്ഷിതമാക്കുന്നതിനായി ഒന്നിക്കാം; സൈബർ ക്രൈം കോർഡിനേഷൻ സെൻ്ററിൻ്റെ ബ്രാൻഡ് അംബാസഡറായി രശ്മിക മന്ദാന

അമിതാഭ് ബച്ചൻ, റാണ ദ​ഗുബതി, റിതിക സിങ്, ദുഷാര വിജയൻ, രോഹിണി തുടങ്ങി നിരവധി താരങ്ങളും ചിത്രത്തിൽ അണിനിരന്നു. അനിരുദ്ധ് രവിചന്ദറാണ് ചിത്രത്തിന് സം​ഗീത സംവിധാനമൊരുക്കിയിരിക്കുന്നത്. എസ് കതിർ ആണ് ഛായാ​ഗ്രഹണം നിർവഹിച്ചിരിക്കുന്നത്. തമിഴ്, തെലുങ്ക്, ഹിന്ദി, കന്നഡ ഭാഷകളിലാണ് ചിത്രം പുറത്തിറങ്ങിയത്. 33 വർഷങ്ങൾക്ക് ശേഷം അമിതാഭ് ബച്ചനും രജനികാന്തും ഒന്നിച്ച ചിത്രം കൂടിയായിരുന്നു ഇത്.