ചെന്നൈ: കോവിഡ് ബാധിതനായി ചികിത്സയിലായിരുന്ന നടന്‍ സത്യരാജ് രോഗമുക്തനായി. തിങ്കളാഴ്ച രാത്രി അദ്ദേഹം ആശുപത്രി വിട്ടു. അദ്ദേഹം പരിപൂര്‍ണ ആരോഗ്യവാനാണെന്നും ഉടനെതന്നെ ജോലിയിലേക്ക് മടങ്ങുമെന്നും മകന്‍ സിബി സത്യരാജ് പറഞ്ഞു. 

സൂര്യ നായകനാകുന്ന എതര്‍ക്കും തുനിന്തവന്‍ എന്ന സിനിമയുടെ ഷൂട്ടിങ്ങിനിടെയാണ് സത്യരാജിന് കോവിഡ് പിടിപെട്ടത്. വീട്ടില്‍ നിരീക്ഷണത്തില്‍ കഴിഞ്ഞിരുന്ന അദ്ദേഹത്തിന്റെ ആരോഗ്യവാസ്ഥ മോശമായതിനെ തുടര്‍ന്ന് ആശുപത്രിയിലേക്ക് മാറ്റുകയായിരുന്നു. 

ചെന്നൈയിലെ സ്വകാര്യ ആശുപത്രിയില്‍ ആയിരുന്നു അദ്ദേഹത്തെ പ്രവേശിപ്പിച്ചിരുന്നത്. അദ്ദേഹത്തിന്റെ ആരോഗ്യാവസ്ഥയെക്കുറിച്ച് ആശുപത്രി അധികരുടെ ഭാഗത്തുനിന്നും മെഡിക്കല്‍ ബുള്ളറ്റിനുകള്‍ ഒന്നും വന്നിരുന്നില്ല. 

സിനിമാ മേഖലയില്‍ നിന്നുള്ള നിരവധിപേര്‍ക്കാണ് കോവിഡ് 19 ബാധിച്ചിരിക്കുന്നത്. മഹേഷ് ബാബു. വിര്‍ ദാസ്, ഇഷ ഗുപ്ത, മധുര്‍ ഭണ്ഡാര്‍ക്കര്‍, മിഥില പാല്‍ക്കര്‍, സ്വര ഭാസ്‌കര്‍ തുടങ്ങി നിരവധിപേര്‍ക്ക് അടുത്തിടെ കോവിഡ് സ്ഥിരീകരിച്ചിരുന്നു.