കുഞ്ചാക്കോ ബോബനെ നായകനാക്കി രതീഷ് ബാലകൃഷ്ണ പൊതുവാള്‍ സംവിധാനം ചെയ്യുന്ന ഒരു ദുരൂഹ സാഹചര്യത്തില്‍ എന്ന് ചിത്രത്തിലേക്ക് അഭിനേതാക്കളെ തേടുന്നു. ചാക്കോച്ചന്റേയും ദിലീഷ് പോത്തന്റേയും ചെറുപ്പകാലം ചെയ്യാനാണ് അഭിനേതാക്കളെ തേടുന്നത്. ഇരുവരുടേയും പഴയ ചിത്രങ്ങള്‍ ചേര്‍ത്തുകൊണ്ടാണ് കാസ്റ്റിങ് കോള്‍.

കുഞ്ചാക്കോ ബോബന്റേയും ദിലീഷ് പോത്തന്റേയും ചെറുപ്പകാലം ചിത്രങ്ങളോട് രൂപസാദൃശ്യമുണ്ടെങ്കില്‍ സിനിമയില്‍ അവസരം ലഭിക്കും. കുഞ്ചാക്കോ ബോബനുമായി രൂപസാദ്യശ്യമുള്ള 18 വയസ് പ്രായം തോന്നുന്ന ചെറുപ്പക്കാരനേയും ദിലീഷ് പോത്തനുമായി സാദൃശ്യമുള്ള 26 വയസുള്ള ആളെയുമാണ് തേടുന്നത്. ചിത്രങ്ങള്‍ 8136932812 എന്ന നമ്പറിലേക്ക് അയക്കണം.

സൂപ്പര്‍ഹിറ്റായ ന്നാ താന്‍ കേസ് കൊട് എന്ന ചിത്രത്തിനു ശേഷം കുഞ്ചാക്കോ ബോബനും രതീഷ് ബാലകൃഷ്ണ പൊതുവാളും ഒന്നിക്കുന്ന ചിത്രമാണ് ഇത്. ലിസ്റ്റിന്‍ സ്റ്റീഫനും കുഞ്ചാക്കോ ബോബനും ചേര്‍ന്നാണ് നിര്‍മാണം.