അച്ഛൻ ശ്രീനിവാസന്റെ പേരിൽ‌ പ്രൊഡക്ഷൻ ഹൗസ് തുടങ്ങുന്ന വിവരം ഏറെ നാളുകൾക്ക് മുൻപ് നടൻ ധ്യാൻ ശ്രീനിവാസൻ പറഞ്ഞിരുന്നു. അച്ഛനുള്ള കാലത്തു തന്നെ അച്ഛന്റെ പേരില്‍ ഒരു പ്രൊഡക്ഷന്‍ കമ്പനി തുടങ്ങിയിരുന്നു. ഏപ്രിലില്‍ അച്ഛന്റെ പിറന്നാളിന് ആദ്യ സിനിമ അനൗണ്‍സ് ചെയ്യണമെന്ന പ്ലാനിലായിരിന്നുവെന്നും പറയുകയാണ് ധ്യാനിപ്പോൾ.

മൂവി 2 ടോക്കീസിന് കൊടുത്തിരിക്കുന്ന അഭിമുഖത്തിൽ സംസാരിക്കുകയായിരുന്നു ധ്യാൻ. "അച്ഛനുള്ള കാലത്തു തന്നെ അച്ഛന്റെ പേരില്‍ ഒരു പ്രൊഡക്ഷന്‍ കമ്പനി തുടങ്ങിയിരിന്നു. ഏപ്രിലില്‍ അച്ഛന്റെ പിറന്നാളിന് ആദ്യ സിനിമ അനൗണ്‍സ് ചെയ്യണമെന്ന പ്ലാനിലായിരിന്നു.

അത് അച്ഛനും കൂടെയുള്ള ഒരു സിനിമയായിരുന്നു, പക്ഷേ, അതിനി നടക്കില്ല. അതിനു ശേഷം കുറച്ച് സിനിമകള്‍ സംസാരിക്കുകയും കമ്മിറ്റ് ചെയ്തിട്ടുമൊക്കെ ഉണ്ട്. അതില്‍ ഒന്ന് രണ്ടെണ്ണം സംവിധാനം ചെയ്യാമെന്ന് ഏറ്റെടുത്തിട്ടുണ്ട്. വേറെയും സംവിധായകരുടെയും സിനിമകളുണ്ട്.

ഇപ്പോള്‍ ഞങ്ങള്‍ എല്ലാവരും കൂടെ തീരുമാനിച്ച് ജൂലൈ- ഓഗസ്റ്റ് മാസത്തില്‍ ആദ്യ സിനിമ ഏതെന്ന് അനൗണ്‍സ് ചെയ്യാനാണ് പ്ലാന്‍'- ധ്യാന്‍ പറഞ്ഞു. 'തുടക്കത്തില്‍ നമ്മുടെ കൂടെയുള്ള കുറച്ചാളുകളുടെ പ്രൊജക്ട് വച്ച് തുടങ്ങിയിട്ട് പിന്നീട് പുറമെ നിന്നുള്ള സബ്ജക്ടുകൾ ചെയ്യാനാണ് പ്ലാന്‍.

മലയാള സിനിമയില്‍ മിക്ക നടീനടന്മാരുമായിട്ട് അസോസിയേറ്റ് ചെയ്ത് സിനിമ ചെയ്യാനാണ് പ്ലാന്‍."- ധ്യാന്‍ പറഞ്ഞു. ഈ വര്‍ഷം സിനിമകളുടെ എണ്ണം കുറയുമെന്നും സംവിധാനത്തിലേക്ക് കൂടുതല്‍ ശ്രദ്ധ കേന്ദ്രീകരിക്കുമെന്നും ധ്യാന്‍ മുൻപ് പറഞ്ഞിരുന്നു. കല്യാണമരം ആണ് ധ്യാനിന്റേതായി ഒടുവിൽ തിയറ്ററുകളിലെത്തിയ ചിത്രം.