എസ് എസ് രാജമൗലി- മഹേഷ് ബാബു കൂട്ടുകെട്ടിലൊരുങ്ങുന്ന പുതിയ ചിത്രത്തിൽ പ്രിയങ്ക ചോപ്ര നായികയാകുന്നുവെന്ന് റിപ്പോർട്ട്. ഹോളിവുഡിൽ നിന്ന് ഇന്ത്യൻ സിനിമയിലേക്ക് പ്രിയങ്ക ചിത്രത്തിലൂടെ തിരികെയെത്തുമെന്നാണ് റിപ്പോർട്ടുകൾ പറയുന്നത്. ചിത്രത്തിന്റെ കഥ അവസാന ഘട്ടത്തിലാണ്. 2025 ഏപ്രിലിൽ ചിത്രീകരണം ആരംഭിക്കും. ആഗോളതലത്തിൽ അറിയപ്പെടുന്ന ഒരു നായികയെയാണ് രാജമൗലി പരി​ഗണിക്കുന്നത്.

ആ കഥാപാത്രത്തിലേക്ക് പ്രിയങ്കയേക്കാൾ മികച്ച മറ്റൊരു നടിയില്ല. കഴിഞ്ഞ 6 മാസമായി സംവിധായകൻ പ്രിയങ്ക ചോപ്രയുമായി നിരവധി തവണ കൂടിക്കാഴ്ചകൾ നടത്തിയെന്നും റിപ്പോർട്ടുകൾ പറയുന്നു. എന്നാൽ ചിത്രത്തിന് ഇതുവരെ പേരിട്ടിട്ടില്ല. ചിത്രത്തിന്റെ ഷൂട്ടിങ് 2026 ഓടെ പൂർത്തിയാകുമെന്നും 2027 ൽ ചിത്രം തിയറ്ററുകളിൽ റിലീസ് ചെയ്യുമെന്നുമാണ് വിവരം.

വാടിവാസൽ ഉടൻ ആരംഭിക്കും; സൂര്യ - വെട്രിമാരൻ ചിത്രത്തിന്റെ അപ്ഡേറ്റുമായി നിർമാതാവ്

മഹേഷ് ബാബു ചിത്രം ഇന്ത്യ, യുഎസ്, ആഫ്രിക്ക എന്നിവിടങ്ങളിലായിരിക്കും ചിത്രീകരിക്കുക. പുറത്തുവരുന്ന റിപ്പോർട്ടുകൾ ശരിയാണെങ്കിൽ, അഞ്ച് വർഷങ്ങൾക്ക് ശേഷം ഇന്ത്യൻ സിനിമയിലേക്കുള്ള പ്രിയങ്കയുടെ തിരിച്ചുവരവാകുമിത്. 2019 ൽ പുറത്തിറങ്ങിയ ദ് സ്കൈ ഈസ് പിങ്ക് എന്ന ചിത്രമാണ് ബോളിവുഡിൽ പ്രിയങ്കയുടേതായി ഒടുവിലെത്തിയ ചിത്രം. സിറ്റാഡൽ ആണ് പ്രിയങ്കയുടേതായി ഏറ്റവുമൊടുവിൽ പ്രേക്ഷകരിലേക്കെത്തിയത്.