മുംബൈ; ബോളിവുഡ് സംവിധായകൻ ​ഗിരീഷ് മാലിക്കിന്റെ മകൻ ഫ്ലാറ്റിൽ നിന്ന് വീണു മരിച്ചു. 17 കാരനായ മന്നൻ വെള്ളിയാഴ്ച വൈകിട്ടോടെയാണ് ഫ്ലാറ്റിന്റെ അഞ്ചാം നിലയിൽ നിന്ന് വീണ് മരിച്ചത്. 

ഹോളി ആഘോഷം കഴിഞ്ഞ് അന്ധേരിയിലെ ഫ്ളാറ്റിൽ എത്തിയ മന്നൻ അഞ്ചു മണിയോടെയാണ് ഫ്ലാറ്റിൽ നിന്ന് വീഴുന്നത്. ഉടന്‍ തന്നെ കോകില ബെന്‍ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. മന്നൻ എങ്ങനെയാണ് ഫ്ളാറ്റിൽ നിന്ന് വീണത് എന്ന കാര്യത്തിൽ വ്യക്തത വന്നിട്ടില്ല. സംഭവത്തില്‍ പോലീസ് അന്വേഷണം ആരംഭിച്ചു.

സഞ്ജയ് ദത്ത് നായകനാക്കി ഒരുക്കിയ തോര്‍ബാസ്, മാന്‍ വേഴ്‌സസ് ഖാന്‍, ജല്‍ തുടങ്ങിയവയാണ് ഗിരീഷ് മീലിക്കിന്റെ ചിത്രങ്ങള്‍. സഞ്ജയ് ദത്ത് ഉള്‍പ്പടെ നിരവധി ബോളിവുഡ് സെലിബ്രിറ്റികളാണ് മന്നനിന്റെ അപ്രതീക്ഷിത വിയോഗത്തില്‍ ഞെട്ടല്‍ രേഖപ്പെടുത്തിയത്.