ന്യൂഡല്‍ഹി: സെന്‍ട്രല്‍ ബോര്‍ഡ് ഓഫ് ഫിലിം സര്‍ട്ടിഫിക്കേഷന്‍ (CBFC) പുനഃസംഘടിപ്പിച്ചു. മലയാളി സംവിധായകനായ പ്രിയദര്‍ശനും ബോളിവുഡ് താരം പ്രീതി സിന്റയും ഉള്‍പ്പെടെ ചലച്ചിത്ര-സാംസ്‌കാരിക രംഗത്തെ പ്രമുഖരായ 18 പേരാണ് പുതിയ ബോര്‍ഡിലുള്ളത്. മൂന്ന് വര്‍ഷത്തെ കാലാവധിയിലേക്കാണ് പുതിയ അംഗങ്ങളെ നിയമിച്ചിരിക്കുന്നത്. കേന്ദ്ര വാര്‍ത്താവിതരണ മന്ത്രാലയമാണ് പുനഃസംഘടന സംബന്ധിച്ച ഉത്തരവ് പുറപ്പെടുവിച്ചത്.

ചില മുന്‍കാല അംഗങ്ങള്‍ സജീവമല്ലാതാവുകയും മറ്റു ചിലരുടെ കാലാവധി കഴിയുകയോ മരിക്കുകയോ ചെയ്തതിനെത്തുടര്‍ന്ന് ബോര്‍ഡിന്റെ പുനഃസംഘടന ഏറെക്കാലമായി വൈകുകയായിരുന്നു എന്ന് വാര്‍ത്താ വിതരണ പ്രക്ഷേപണ മന്ത്രാലയ വൃത്തങ്ങള്‍ അറിയിച്ചു. സാധാരണയായി ഓരോ മൂന്ന് വര്‍ഷത്തിലുമാണ് ബോര്‍ഡ് പുനഃസംഘടിപ്പിക്കാറുള്ളത്. 12 അംഗങ്ങളുമായി അവസാനമായി ബോര്‍ഡ് പുനഃസംഘടിപ്പിച്ചത് 2017ലാണ്.

സമിതിയിലെ 18 അംഗങ്ങള്‍

പ്രിയദര്‍ശന്‍

പ്രീതി സിന്റ

പങ്കജ് ത്രിപാഠി

സുനില്‍ ഷെട്ടി

മനോജ് ജോഷി

പല്ലവി ജോഷി

രൂപാലി ഗാംഗുലി

പ്രസന്‍ജിത് ചാറ്റര്‍ജി

ഹന്‍സ്രാജ് ഹന്‍സ്

നീലാമദ പാണ്ട

അഭിഷേക് ജയന്‍

വിനോദ് അനുപം

റിക്കി കെജ്

സുപ്രിയ യാര്‍ലഗഡ്ഡ

യതീന്ദ്ര മിശ്ര

നിഷിഗന്ധ വാഡ്

വാമന്‍ കേന്ദ്രെ

രമേഷ് പട്ടന്‍കെ