മലയാളത്തിൽ മാത്രമല്ല ഇന്ത്യയൊട്ടാകെ ആരാധകരുള്ള നടനായി മാറിയിരിക്കുകയാണ് ഫഹദ് ഫാസിലിപ്പോൾ. ഇപ്പോഴിതാ ഫഹ​ദ് ബോളിവുഡിലേക്കും ചുവടുവയ്ക്കാനൊരുങ്ങുകയാണെന്നാണ് പുറത്തുവരുന്ന റിപ്പോർട്ടുകൾ. ഇംതിയാസ് അലിയുടെ പുതിയ ചിത്രത്തിലൂടെയായിരിക്കും ഫഹദ് ബോളിവുഡിൽ അരങ്ങേറ്റം നടത്തുകയെന്നാണ് റിപ്പോർട്ടുകൾ പറയുന്നത്.

കഴിഞ്ഞ ഏതാനും മാസങ്ങളായി ഫഹദും ഇംതിയാസും തമ്മിൽ നിരവധി തവണ ചർച്ചകൾ നടത്തിയെന്നും ദേശീയമാധ്യമങ്ങൾ റിപ്പോർട്ട് ചെയ്യുന്നു. സിനിമയിലെ നായിക ഉൾപ്പടെയുള്ള വേഷങ്ങൾക്കായുള്ള കാസ്റ്റിംഗ് പുരോഗമിക്കുകയാണ്. അടുത്ത വർഷം ആദ്യ മാസങ്ങളിൽ തന്നെ സിനിമയുടെ ചിത്രീകരണം ആരംഭിക്കുമെന്നാണ് സൂചന.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ഇംതിയാസ് അലിയുടെ പത്താമത്തെ ചിത്രമായിരിക്കും ഇത്. അദ്ദേഹത്തിന്റെ മറ്റു ചിത്രങ്ങൾ‌ പോലെ ഇതും ഒരു പ്രണയകഥയായിരിക്കുമെന്നാണ് വിവരം. വിവിധ ഭാഷകളിലായി നിരവധി സിനിമകളാണ് ഫഹദിന്റേതായി ഒരുങ്ങുന്നത്. ബോഗയ്ൻവില്ല, വേട്ടയ്യൻ, പുഷ്പ 2 തുടങ്ങിയ സിനിമകളാണ് പ്രേക്ഷകർ താരത്തിന്റേതായി കാത്തിരിക്കുന്ന ചിത്രങ്ങൾ.