പൃഥ്വിരാജ് - ബേസില് കോമ്പോയിലെത്തുന്ന ഗുരുവായൂരമ്പല നടയില് എന്ന ചിത്രത്തിനായുള്ള കാത്തിരിപ്പിലാണ് സിനിമ പ്രേക്ഷകർ. മെയ് 16 നാണ് ചിത്രം തിയേറ്ററുകളിലെത്തുന്നത്. ചിത്രത്തിന്റെ റിലീസിന് മുന്നോടിയായുള്ള ടീസര് പുറത്തുവിട്ടിരിക്കുകയാണ് അണിയറപ്രവർത്തകരിപ്പോൾ. ചിത്രത്തിലെ ഒരുവിധം എല്ലാ താരങ്ങളും ഈ ടീസറില് പ്രത്യക്ഷപ്പെടുന്നുണ്ട്.
കഴിഞ്ഞ ദിവസം ഇറങ്ങിയ ചിത്രത്തിലെ 'കെ ഫോർ കല്യാണം' എന്ന് തുടങ്ങുന്ന ഗാനം സോഷ്യൽ മീഡിയയിൽ തരംഗമായിരുന്നു. ചിത്രത്തിന്റെ ട്രെയിലറിനും ടീസറിനും ഗംഭീര പ്രതികരണമാണ് ലഭിച്ചത്. പൃഥ്വിരാജ് പ്രൊഡക്ഷന്സിന്റെ ബാനറില് സുപ്രിയ മേനോന്, E4 എന്റര്ടൈന്മെന്റിന്റെ ബാനറില് മുകേഷ് ആര് മേത്ത, സി വി സാരഥി എന്നിവര് ചേര്ന്നാണ് ചിത്രത്തിന്റെ നിര്മാണം. ഒരു കംപ്ലീറ്റ് കോമഡി ചിത്രമായിട്ടായിരിക്കും ഗുരുവായൂരമ്പല നടയില് പ്രേക്ഷകരിലേക്കെത്തുക.
നിഖില വിമല്, അനശ്വര രാജന്, ജഗദീഷ്, രേഖ, ഇര്ഷാദ്,സിജു സണ്ണി, സഫ്വാന്, കുഞ്ഞികൃഷ്ണന് മാസ്റ്റര്, മനോജ് കെ യു, ബൈജു തുടങ്ങിയ താരനിരയാണ് പ്രധാന കഥാപാത്രങ്ങളെ അവതരിപ്പിക്കുന്നത്. തമിഴ് താരം യോഗി ബാബുവിന്റെ മലയാള സിനിമയിലേക്കുള്ള അരങ്ങേറ്റം കൂടിയാണ് "ഗുരുവായൂരമ്പല നടയില്". കുഞ്ഞിരാമായണത്തിന് ശേഷം ദീപു പ്രദീപ് തിരക്കഥയൊരുക്കുന്ന സിനിമ കൂടിയാണിത്.
എഡിറ്റര്- ജോണ് കുട്ടി,സംഗീതം- അങ്കിത് മേനോന്,പ്രൊഡക്ഷന് കണ്ട്രോളര്-റിനി ദിവാകര്,ആര്ട്ട് ഡയറക്ടര്- സുനില് കുമാര്, കോസ്റ്റ്യൂം ഡിസൈനര്- അശ്വതി ജയകുമാര്, മേക്കപ്പ്-സുധി സുരേന്ദ്രന്, സൗണ്ട് ഡിസൈനര്- അരുണ് എസ് മണി, ചീഫ് അസോസിയേറ്റ് ഡയറക്ടര്-ശ്രീലാല്, സെക്കന്റ് യൂണിറ്റ് ക്യാമറ- അരവിന്ദ് പുതുശ്ശേരി, ഫിനാന്സ് കണ്ട്രോളര്-കിരണ് നെട്ടയില്, പ്രൊഡക്ഷന് എക്സിക്യൂട്ടീവ്- അനീഷ് നന്ദിപുലം, വിനോഷ് കൈമള്, സ്റ്റില്സ് - ജസ്റ്റിന്, ഓൺലൈൻ മാർക്കറ്റിംഗ്- ടെൻ ജി.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates