വാഷിങ്ടണ്‍: തുടര്‍ച്ചയായ ലൈംഗിക ആരോപണങ്ങളില്‍ പ്രതിസ്ഥാനത്തു വന്നതിലൂടെ കുപ്രസിദ്ധനായ ഹോളിവുഡ് നിര്‍മാതാവ് ഹാര്‍വി വെയിന്സ്റ്റീന് അപൂര്‍വ അര്‍ബുദമെന്ന് റിപ്പോര്‍ട്ടുകള്‍. അസ്ഥി മജ്ജയില്‍ വെയിന്സ്റ്റീന് അര്‍ബുദം സ്ഥിരീകരിച്ചുവെന്ന് യുഎസ് മാധ്യമങ്ങള്‍ റിപ്പോര്‍ട്ട് ചെയ്തു.
ന്യൂയോര്‍ക്കിലെ റൈക്കേഴ്‌സ് ഐലന്‍ഡിലെ ജയിലില്‍ ഹാര്‍വി വെയിന്സ്റ്റീന് ചികിത്സയിലാണ്. ഇതിന് മുമ്പും ഹാര്‍വി വെയിന്സ്റ്റീന് ആരോഗ്യ പ്രശ്‌നങ്ങളുണ്ടായിരുന്നു. സെപ്തംബറില്‍ അദ്ദേഹത്തെ ഹൃദയ ശസ്ത്രക്രിയക്ക് വിധേയനാക്കിയിരുന്നു. കൊവിഡ് ബാധിച്ചതിനെത്തുടര്‍ന്ന് കടുത്ത ന്യുമോണിയയും അദ്ദേഹത്തെ ബാധിച്ചിരുന്നു.
2020 ഫെബ്രുവരിയില്‍ ഹാര്‍വി വെയ്ന്‍സ്റ്റീനെ ബലാത്സംഗ കേസില്‍ കോടതി ശിക്ഷിച്ചിരുന്നു. തുടര്‍ന്ന് ന്യൂയോര്‍ക്ക് സുപ്രീംകോടതി വിധി റദ്ദാക്കുകയും ചെയ്തു. 2022 ല്‍ ലോസ് ഏഞ്ചല്‍സില്‍ മറ്റൊരു ബലാത്സംഗ കേസില്‍ ശിക്ഷിപ്പെട്ട് 72കാരനായ വെയ്ന്‍സ്റ്റീന്‍ ജയിലില്‍ കഴിയുകയാണ്.
2017ലാണ് വെയ്ന്‍സ്റ്റീനെതിരെ സ്ത്രീകള്‍ വെളിപ്പെടുത്തലുമായി രംഗത്ത് എത്തിയത്. ലോകവ്യാപകമായി മീടു ക്യാംപയിന് തുടക്കം കുറിക്കുന്നതിന് അതോടെ കാരണമാവുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates