താൻ പ്രണയത്തിലാണെന്ന് തുറന്നു പറഞ്ഞ് നടി ദുർഗാകൃഷ്ണ. മലയാളത്തിലെ യുവ ചലച്ചിത്ര നിർമാതാവ് അർജുൻ രവീന്ദ്രനെയാണ് താരം പ്രണയിക്കുന്നത്. ഇൻസ്റ്റഗ്രാമിലെ ആരാധകർക്കായുള്ള ക്യു ആൻഡ് എ സെഷനിലാണ് ദുർഗ തന്റെ പ്രണയത്തെക്കുറിച്ച് വെളിപ്പെടുത്തൽ നടത്തിയത്.
കാമുകന്റെ പേര് എന്താണ് എന്നായിരുന്നു ആരാധകന്റെ ചോദ്യം. അർജുൻ രവീന്ദ്രനൊപ്പമുള്ള ചിത്രം പങ്കുവെച്ച് ടാഗ് ചെയ്തുകൊണ്ടായിരുന്നു ദുർഗയുടെ മറുപടി. അതിന് പിന്നാലെ എത്ര വർഷമായി പ്രണയിക്കുകയാണ് എന്ന ചോദ്യവും എത്തി. ഫോർ ഇയർ സ്ട്രോങ് എന്നായിരുന്നു ഇതിന് മറുപടിയായി കുറിച്ചത്. അർജുൻ രവീന്ദ്രൻ ആരാണ് എന്ന ചോദ്യത്തിന് ലൈഫ് ലൈൻ എന്നായിരുന്നു താരത്തിന്റെ മറുപടി.
നേരത്തെയും അർജുനൊപ്പമുള്ള നിരവധി ചിത്രങ്ങൾ താരം സോഷ്യൽ മീഡിയയിൽ പങ്കുവെച്ചിട്ടുണ്ട്. അടുത്തിടെ അർജുന്റെ പിറന്നാൾ താരം ആഘോഷമാക്കിയിരുന്നു. ദുർഗാകൃഷ്ണ പ്രധാന വേഷത്തിൽ എത്തിയ കൺഫെഷൻസ് ഓഫ് എ കുക്കൂ എന്ന ചിത്രത്തിന്റെ നിർമാതാവാണ് അർജുൻ. അതിനൊപ്പം മോഡലിങ്ങും ചെയ്യുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates