ഇന്ദ്രൻസ് കേന്ദ്ര കഥാപാത്രമാകുന്ന ചിത്രമായ 'സൈലന്റ് വിറ്റ്നസ്' റിലീസിനൊരുങ്ങുന്നു. സെപ്റ്റംബർ അവസാനത്തോടെ ചിത്രം റിലീസ് ചെയ്യുമെന്നാണ് അണിയറപ്രവർത്തകർ അറിയിച്ചിരിക്കുന്നത്. അനിൽ കാരക്കുളം സംവിധാനം ചെയ്യുന്ന ചിത്രത്തിന്റെ തിരക്കഥ അനിലും അഡ്വ എം കെ റോയും ചേർന്നാണ് എഴുതിയത്. 

കേരളത്തിലെ ഒരു ഗ്രാമത്തിൽ അരങ്ങേറുന്ന കുറ്റാന്വേഷണമാണ് സിനിമയുടെ പ്രമേയം. മാലാ പാർവതി, ശിവജി ഗുരുവായൂർ, മഞ്‍ജു  പത്രോസ്, മീനാക്ഷി ദിനേഷ്, അഞ്‍ജലി നായർ,ബാലാജി ശർമ്മ, ജുബിൽ രാജൻ പി ദേവ്, അംബി നീനാസം, മഞ്‍ജു കെ പി, പെക്സൺ അംബ്രോസ്, അഡ്വ എം കെ റോയി,  ബിറ്റോ ഡേവീസ് എന്നിവരാണ് മറ്റ് അഭിനേതാക്കൾ. ഫീൽ ഫ്ലയിങ്ങ് എന്റർടെയിൻമെന്റിന്റെ ബാനറിൽ ബിനി ശ്രീജിത്ത് ആണ് ചിത്രം നിർമ്മിക്കുന്നത്.