കരണ്‍ ജോഹറിന്റെ വെളിപ്പെടുത്തലില്‍ ഞെട്ടിയിരിക്കുകയാണ് ജാന്‍വി കപൂറും സോഷ്യല്‍ മീഡിയയും. കഴിഞ്ഞ ദിവസം ട്വിങ്കിള്‍ ഖന്നയും കജോളും അവതാരകരായ ടു മച്ച് വിത്ത് കജോള്‍ ആന്റ് ട്വിങ്കിളില്‍ അതിഥിയായി ഇരുവരും എത്തിയിരുന്നു. പരിപാടിയിലെ ഗെയിം സെഗ്മന്റില്‍ കരണ്‍ ജോഹര്‍ നടത്തിയ വെളിപ്പെടുത്തലാണ് ചര്‍ച്ചയാകുന്നത്.

പരുപാടിയിലെ ട്രൂത്ത് ഓര്‍ ലൈ സെഗ്മന്റില്‍ കരണിനോട് ജാന്‍വി താങ്കളെക്കുറിച്ചുള്ള ഒരു രഹസ്യവും ഒരു നുണയും പറയാന്‍ ആവശ്യപ്പെടുകയായിരുന്നു. ഇതിന് കരണ്‍ ചിരിച്ചു കൊണ്ട് നല്‍കിയ മറുപടി. എനിക്ക് 26-ാം വയസില്‍ വെര്‍ജിനിറ്റി നഷ്ടപ്പെട്ടുവെന്നും നിന്റെ കുടുംബത്തിലെ ഒരാളുമായി ഞാന്‍ ശാരീകമായി ബന്ധപ്പെട്ടിട്ടു എന്നുമായിരുന്നു.

കരണിന്റെ വെളിപ്പെടുത്തല്‍ ജാന്‍വിയ്ക്ക് താങ്ങാന്‍ സാധിക്കുന്നതായിരുന്നില്ല. അവതാരകരായ ട്വിങ്കിളും കജോളും കരണിന്റെ മറുപടി കേട്ട് പൊട്ടിച്ചിരിക്കുകയായിരുന്നു. ആ ഒരാള്‍ ജാന്‍വിയുടെ പിതാവായ ബോണി കപൂര്‍ ആകാതിരിക്കട്ടെ എന്ന് അവര്‍ തമാശ പറയുകയും ചെയ്യുന്നുണ്ട്. എന്നാല്‍ പിന്നാലെ 26-ാം വെര്‍ജിനിറ്റി നഷ്ടമായെന്നത് മാത്രമേ സത്യമുള്ളൂവെന്നും നിന്റെ കുടുംബത്തിലെ ആരുമായും ബന്ധപ്പെട്ടിട്ടില്ലെന്നും കരണ്‍ വ്യക്തമാക്കി.

എന്നാല്‍ കരണിന്റെ വെളിപ്പെടുത്തലും ജാന്‍വിയുടെ ഞെട്ടലും മാത്രമുള്ള വിഡിയോ സോഷ്യല്‍ മീഡിയയില്‍ വൈറലാവുകയാണ്. വിഡിയോയുടെ മുഴുവന്‍ ഭാഗം കാണാതെ കരണ്‍ ജോഹറിനെതിരെ നിരവധി പേരാണ് ട്രോളുകളുമായി രംഗത്തെത്തുന്നത്. സോഷ്യല്‍ മീഡിയയില്‍ ഈ വിഡിയോ ട്രെന്റിങാണ്.

അതേസമയം പരിപാടിയില്‍ അവിഹിത ബന്ധത്തെക്കുറിച്ച് നടന്ന ചര്‍ച്ചയും വൈറലാകുന്നുണ്ട്. വൈകാരികമായ വഞ്ചനയാണോ ശാരീരീക ബന്ധമാണോ മാപ്പ് നല്‍കാന്‍ സാധിക്കുന്നത് എന്നായിരുന്നു. കരണും കജോളും ട്വിങ്കിലും ശാരീരീകമായി ബന്ധപ്പെടുന്നത് മാപ്പ് കൊടുക്കാവുന്ന തെറ്റാണെന്നും എന്നാല്‍ വൈകാരികമായി മറ്റൊരാളുമായി അടുക്കുന്നത് മാപ്പ് അര്‍ഹിക്കുന്നില്ലെന്നുമാണ് പറഞ്ഞത്.

പക്ഷെ രണ്ട് തരത്തിലുള്ള വഞ്ചനകളും മാപ്പ് അര്‍ഹിക്കാത്തതാണെന്നായിരുന്നു ജാന്‍വിയുടെ മറുപടി. ഇതോടെ ജാന്‍വിയ്ക്ക് കയ്യടിക്കുകയാണ് സോഷ്യല്‍ മീഡിയ. കജോളും ട്വിങ്കിലും ഭര്‍ത്താക്കന്മാരുടെ അവിഹിത ബന്ധങ്ങളെ ന്യായീകരിക്കുകയാണെന്നാണ് സോഷ്യല്‍ മീഡിയയുടെ വിമര്‍ശനം.