ബംഗളൂരു: കന്നട ചലച്ചിത്ര രാമു (52) കോവിഡ് ബാധിച്ച് മരിച്ചു. പനി, ശ്വാസ തടസം എന്നിവയെ തുടർന്ന് ബംഗളൂരുവിലെ സ്വകാര്യ ആശുപത്രിയിൽ ചികിത്സയിലായിരുന്നു. തിങ്കളാഴ്ചയോടെ ആരോഗ്യനില മോശമാവുകയായിരുന്നു.

മൂന്ന് പതിറ്റാണ്ടുകളായി കന്നട സിനിമയിലെ സജീവസാന്നിധ്യമാണ് രാമു. എകെ 47, ലോക്ക് അപ്പ് ഡെത്ത്, കലാസിപല്യ തുടങ്ങിയ ഹിറ്റ് ചിത്രങ്ങളുടെ നിർമാതാവാണ്. 

രാമുവിന്റെ മരണത്തിൽ പുനീത് രാജ്കുമാറടക്കം ഒട്ടനവധി സിനിമാപ്രവർത്തകരും ആരാധകരും അനുശോചനം രേഖപ്പെടുത്തി. നടി മലശ്രീയാണ് ഭാര്യ. അനന്യ, ആര്യൻ എന്നിവർ മക്കളാണ്.