ലോക സിനിമാ പ്രേമികള്‍ എന്നും ഓര്‍മയില്‍ സൂക്ഷിക്കുന്ന ചിത്രമാണ് ടൈറ്റാനിക്. 1997 ല്‍ ജെയിംസ് കാമറൂണ്‍ തിരക്കഥയെഴുതി സംവിധാനം ചെയ്ത ചിത്രം പലപ്പോഴും ചര്‍ച്ചയാകാറുണ്ട്.

കപ്പല്‍ അറ്റ്‌ലാന്റിക് കടലിലെ മഞ്ഞുമലയിലിടിച്ച് മുങ്ങിത്താഴുന്നതും ഇതിനിടയില്‍ നായികയായ റോസിന് തന്റെ കാമുകന്‍ ജാക്കിനെ നഷ്ടമാകുന്നതുമായിരുന്നു സിനിമയുടെ ഇതിവൃത്തം. ജാക്ക് എന്ന നായക കഥാപാത്രമായി ലിയനാര്‍ഡോ ഡികാപ്രിയോയും റോസ് എന്ന കഥാപാത്രമായി കെയ്റ്റ് വിന്‍സ്‌ലെറ്റുമായിരുന്നു ചിത്രത്തില്‍ അഭിനയിച്ചത്.

ടൈറ്റാനിക്ക് സിനിമയില്‍ ഏറെ ചര്‍ച്ചായായ ഒരു സീനാണ് ക്ലൈമാക്‌സ്. അതില്‍ അവസാന ഭാഗത്ത് റോസ് രക്ഷപ്പെടാന്‍ ഉപയോഗിക്കുന്ന വാതിലിന്റെ കഷ്ണത്തെക്കുറിച്ചാണ് പുതിയ വെളിപ്പെടുത്തല്‍. യഥാര്‍ഥത്തില്‍ അത് വാതിലിന്റെ കഷ്ണമല്ലായിരുന്നില്ലെന്ന് തുറന്ന് പറഞ്ഞിരിക്കുകയാണ് നായിക കെയ്റ്റ് വിന്‍സ്‌ലെറ്റ്. ഓസ്‌ട്രേലിയന്‍ ടോക്ക് ഷോയിലാണ് താരത്തിന്റെ തുറന്നു പറച്ചില്‍.

'മദ്യവും പെണ്ണുങ്ങളും ഞങ്ങളുടെ ടേബിളിലേക്ക് ഒഴുകിയെത്തി; ദുബായില്‍ ഒറ്റ രാത്രികൊണ്ട് പൊടിച്ചത് 38 ലക്ഷം രൂപ'

അത് യഥാര്‍ഥത്തില്‍ വാതില്‍ ആയിരുന്നില്ല സെറ്റിലുണ്ടായിരുന്ന കോണിപ്പടിയോ മറ്റെന്തൊയായിരുന്നു. ഇക്കാര്യം മറ്റാരും ഇതിനകം കണ്ടുപിടിക്കാന്‍ ശ്രമിച്ചിട്ടില്ലെന്നും നടി പറഞ്ഞു.

അതേസമയം വന്‍ തുകക്കാണ് ആ വാതില്‍ ലേലത്തില്‍ വാതില്‍ വിറ്റുപോയത്. 7,18,750 ഡോളറാണ് വാതിലിന് ലഭിച്ചത്.