റിയാലിറ്റി ഷോ മത്സരത്തിനിടെ 200ൽ അധികം തേളുകളുടെ കുത്തേറ്റ് ടെലിവിഷൻ താരം ശാലിൻ ഭനോത്. സാഹസിക റിയാലിറ്റി ഷോ ആയ ഖത്രോൻ കെ ഖിലാഡി സീസൺ 14ൽ വച്ചാണ് സംഭവമുണ്ടായത്. തേളുകളുടെ കുത്തേറ്റതിന്റെ ചികിത്സ തേടുന്നതിന്റെ വിഡിയോ ശാലിൻ തന്നെയാണ് സോഷ്യൽ മീഡിയയിൽ പങ്കുവച്ചത്.

‘നിങ്ങൾക്കു വേണ്ടി എന്തും ചെയ്യും’ എന്ന അടിക്കുറിപ്പിലാണ് വിഡിയോ. തേളിന്റെ കുത്തേറ്റതിനെ തുടർന്ന് മുഖം വീർത്ത നിലയിലാണ്. കൂടാതെ ശരീരത്തിൽ ചുവന്ന് തിണർത്ത പാടുകളും കാണാം. നിരവധി പേരാണ് വിഡിയോയ്ക്ക് താഴെ കമന്റുമായി എത്തുന്നത്. നിരവധി പേർ താരത്തിന് ആശംസകൾ അറിയിക്കുന്നുണ്ട്. എന്നാൽ നിരവധി പേരാണ് വിമർശനങ്ങളുമായി എത്തുന്നത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

ഞങ്ങൾക്കു വേണ്ടിയല്ല ഇത് ചെയ്യുന്നതെന്നും നിങ്ങൾക്ക് പണം കിട്ടാൻ വേണ്ടിയാണ് എന്നുമായിരുന്നു ഒരാളുടെ കമന്റ്. ശാലിന്റേത് വെറും പ്രമോഷനൽ സ്റ്റണ്ട് ആണെന്ന് പറയുന്നവരുമുണ്ട്. ഇരുന്നൂറ് പോയിട്ട് ഒരു തേളിന്റെ പോലും കുത്തേൽക്കാൻ ഇയാൾ സാധിക്കില്ലെന്നാണ് കമന്റുകൾ.

അപകടം നിറഞ്ഞതും അതി സാഹസികവുമായ സ്റ്റണ്ട് രംഗങ്ങൾ ഉൾപ്പെടുന്ന റിയാലിറ്റി ഷോയാണ് ഖത്രോൻ കെ ഖിലാഡി. ഇതിന്റെ ഷൂട്ടിങ് റൊമാനിയയിൽ പുരോ​ഗമിക്കുകയാണ്. ബിഗ് ബോസ് താരം അഭിഷേക് കുമാർ, നടിമാരായ അദിതി ശർമ്മ, നിയതി ഫട്‌നാനി, ടൈഗർ ഷ്രോഫിന്റെ സഹോദരി കൃഷ്ണ ഷ്റോഫ്, അസിം റിയാസ് തുടങ്ങിയവരാണ് റിയാലിറ്റി ഷോയിൽ ഉള്ളത്.