കേരളത്തിലെ  ആരാധകരുടെ സ്നേഹത്തിന് നന്ദി അറിയിച്ച് സംവിധായകന്‍ ലോകേഷ് കനകരാജ്. കേരളത്തിലേക്ക് തീര്‍ച്ചതായും വീണ്ടും വരുമെന്നും അതുവരെ കാത്തിരിക്കണമെന്നും ലോകേഷ് എക്‌സില്‍ കുറിച്ചു.  വിജയ് ചിത്രം ലിയോയുടെ പ്രമോന്റെ ഭാഗമായി പാലക്കാട് എത്തിയ സംവിധായകന് തിരക്കില്‍ പെട്ട് പരിക്കേറ്റതിനെ തുടര്‍ന്ന് കൊച്ചിയിൽ നിന്ന് നടക്കേണ്ടിരുന്ന വാർത്താ സമ്മേളനവും മറ്റ് രണ്ട് പ്രമോഷൻ പരിപാടികളും മാറ്റിവെച്ചു.

'ഈ സ്നേഹത്തിന് കേരളത്തിന് നന്ദി. ആൾക്കൂട്ടത്തിനിടയിൽപെട്ട് പരിക്കേറ്റതിനാൽ വാർത്താസമ്മേളനവും മറ്റ് രണ്ട് വേദികളിലും നടത്താനിരുന്ന പരിപാടികളിലും എനിക്ക് എത്തിപ്പെടാൻ കഴിഞ്ഞില്ല. കേരളത്തിൽ ആരാധകരെ കാണാൻ തീർച്ചയായും ഞാൻ മടങ്ങിവരും. അതുവരെ അതേ സ്നേഹത്തോടെ ലിയോ ആസ്വദിക്കുക'- ലോകേഷ് കുറിച്ചു.

പാലക്കാട് ലിയോ സിനിമയുടെ പ്രമോഷന്റെ ഭാഗമായി എത്തിയപ്പോള്‍ ആരോധകരുടെ അതിരുവിട്ട ആവേശ പ്രകടനത്തില്‍ സംവിധായകന്റെ കാലിന് പരിക്കേറ്റു. പരിക്കിനെ തുടര്‍ന്ന് ലോകേഷ് ചെന്നൈയിലേക്ക് മടങ്ങി. പാലക്കാട് അരോമ തിയറ്ററില്‍ ലിയോ സിനിമയുടെ പ്രമോഷൻ പരിപാടിക്ക് സംവിധായകൻ എത്തിയപ്പോഴായിരുന്നു സംഭവം. ആയിരക്കണക്കിന് ആളുകളാണ് ലോകേഷിന് കാണാൻ പാലക്കാട് അരോമ തിയറ്ററില്‍ എത്തിയത്.

ഈ വാര്‍ത്ത കൂടി വായിക്കൂ 

നടി കാർത്തിക വിവാഹിതയാകുന്നു; വരനെ തേടി ആരാധകർ, അമ്മയുടെ ഹൃദയസ്പർശിയായ കുറിപ്പ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ