തെലുങ്ക് സിനിമാലോകത്തെ സൂപ്പര്‍താരമാണ് മഹേഷ് ബാബു. താരത്തിന്റെ മകള്‍ സിത്താര ഗട്ടമനേനിയും അച്ഛന്റെ വഴി പിന്‍തുടരാനുള്ള തീരുമാനത്തിലാണ്. സോഷ്യല്‍ മീഡിയയില്‍ ആക്റ്റീവായ സിത്താര ഡാന്‍സ് വിഡിയോകളും മറ്റും പോസ്റ്റ് ചെയ്യാറുണ്ട്. ഇപ്പോള്‍ ന്യൂയോര്‍ക്കിലെ ടൈംസ് സ്‌ക്വയര്‍ ബില്‍ബോര്‍ഡില്‍ സ്ഥാനം പിടിച്ചിരിക്കുകയാണ് സിത്താരയുടെ ചിത്രങ്ങള്‍.
പിഎംജെ ജ്വല്ലറിയുടെ പുതിയ മുഖമാണ് സിത്താര. ജ്വല്ലറിയുടെ പരസ്യത്തിലൂടെയാണ് ടൈംസ് സ്‌ക്വയറില്‍ താരപുത്രിയുടെ മുഖം തെളിഞ്ഞത്. മകളെ പ്രശംസിച്ചുകൊണ്ട് മഹേഷ് ബാബു ടൈംസ് സ്‌ക്വയറില്‍ നിന്നുള്ള ചിത്രങ്ങളും വിഡിയോയും പങ്കുവച്ചു. ടൈസ് സ്‌ക്വയറില്‍ പ്രകാശം നിറയ്ക്കുന്നു. നിന്നില്‍ അഭിമാനിക്കുന്നു. തിളങ്ങുന്നത് തുടരൂ.- എന്ന അടിക്കുറിപ്പിലാണ് താരം ഫോട്ടോ പങ്കുവച്ചത്.
മഹേഷ് ബാബുവിന്റെ ഭാര്യയും നടിയുമായ നമ്രതയും മകളെ പ്രശസ്തിച്ചുകൊണ്ട് എത്തി. നിരവധി പേരാണ് താരപുത്രിക്ക് പ്രശംസിച്ചുകൊണ്ട് രംഗത്തെത്തിയത്. മഹേഷ് ബാബു നായകനായി എത്തിയ സര്‍ക്കാര് വാരി പേട്ട് എന്ന ചിത്രത്തിലൂടെ സിത്താര സിനിമയിലേക്ക് അരങ്ങേറ്റം കുറിച്ചിരുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates