മലയാളികളുടെ പ്രിയതാരം ജയറാമിന്റെ മകളും മോഡലുമായ മാളവിക ജയറാമിന് സോഷ്യൽ മീഡിയയിൽ ആരാധകർ ഏറെയാണ്. സിനിമയിൽ സജീവമല്ലെങ്കിലും സോഷ്യൽ മീഡിയയിലൂടെ താരപുത്രി വിശേഷങ്ങൾ പങ്കുവയ്ക്കാറുണ്ട്. ഇപ്പോൾ ചർച്ചയാവുന്നത് മാളവിക ഇൻസ്റ്റ​ഗ്രാമിൽ പങ്കുവച്ച സ്റ്റാറ്റസാണ്. പ്രണയത്തിലാണെന്ന് സൂചന നൽകുന്നതാണ് സ്റ്റാറ്റസ്. 

കൈകൾ കോർത്ത് പിടിച്ച് കാറിൽ ഇരിക്കുന്നതാണ് ചിത്രം. റൊമാന്റിക് പാട്ടിന്റെ അകമ്പടിയോടെയാണ് മാളവിക ചിത്രം പങ്കുവച്ചിരിക്കുന്നത്. ഇതോടെ മാളവിക പ്രണയത്തിലാണെന്ന തരത്തിലുള്ള ചര്‍ച്ചകൾ സജീവമായി. കാമുകൻ ആരെന്ന ചോ​ദ്യവുമായി നിരവധി പേരാണ് എത്തുന്നത്. വൈകാതെ താരപുത്രി തന്നെ പ്രണയം വെളിപ്പെടുത്തുമെന്ന പ്രതീക്ഷയിലാണ് ആരാധകർ. 

അതിനിടെ മാളവിക സിനിമയിലേക്ക് അരങ്ങേറ്റം കുറിക്കാൻ ഒരുങ്ങുന്നതായും വാർത്തകളുണ്ട്. ‘മായം സെയ്ത് പോവെ’ എന്ന തമിഴ് മ്യൂസിക് വിഡിയോയില്‍ മാളവിക അഭിനയിച്ചിരുന്നു. നടന്‍ അശോക് സെല്‍വനാണ് മാളവികയ്ക്കൊപ്പം അഭിനയിച്ചത്. മോഡലിങ്ങിലും പരസ്യ ചിത്രങ്ങളിലുമെല്ലാം മാളവിക സജീവമാണ്

ഈ വാര്‍ത്ത കൂടി വായിക്കൂ

പരിണീതിയുടെ വിവാഹത്തിന് പ്രിയങ്ക എത്തിയില്ല, കാരണം പറഞ്ഞ് നടിയുടെ അമ്മ​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ