‘സൂപ്പർ ശരണ്യ’ എന്ന ചിത്രത്തിൽ സോനയായി തിളങ്ങിയ മമിത ബൈജു തമിഴിൽ അരങ്ങേറ്റത്തിനൊരുങ്ങുന്നു. സൂര്യ നായകനാകുന്ന ചിത്രത്തിലൂടെയാണ് താരത്തിറെ തമിഴ് അരങ്ങേറ്റം. 8 വർഷത്തിന് ശേഷം സൂര്യയും സംവിധായകൻ ബാലയും ഒന്നിക്കുന്ന ചിത്രം എന്ന പ്രത്യേകതയും സിനിമയ്ക്കുണ്ട്. ചിത്രത്തിന് പേരിട്ടിട്ടില്ല. 

ടൂഡി എന്റർടെയ്ൻമെന്റ്‌സിന്റെ ബാനറിൽ ജ്യോതികയാണ് ചിത്രം നിർമിക്കുന്നത്. കൃതി ഷെട്ടിയാണ് നായിക. ചിത്രത്തിന്റെ വിശേഷങ്ങൾ അണിയറപ്രവർത്തകർ ട്വിറ്ററിലൂടെ പുറത്തുവിട്ടു. 

പിതാമഹന് ശേഷം സൂര്യയും ബാലയും ഒന്നിക്കുന്ന ചിത്രം കൂടിയാണ് സൂര്യ 41. വെട്രിമാരന്റെ വടിവാസലിലാണ് സൂര്യയുടെ അടുത്ത പ്രോജക്ട്.