സിനിമ കാണാനും ആസ്വദിക്കാനും ഭാഷ ഒരു തടസമേയല്ലെന്ന് പറയാറില്ലേ. ഇപ്പോഴിതാ അത്തരമൊരു കാഴ്ചയാണ് സോഷ്യൽ മീഡിയയിൽ വൈറലായി കൊണ്ടിരിക്കുന്നത്. ഇംഗ്ലണ്ടിലെ ഒരു ഫിലിം സ്കൂളില് മമ്മൂട്ടി നായകനായെത്തിയ ഭ്രമയുഗം മുന്നിര്ത്തി ഒരു അധ്യാപകന് ക്ലാസ് എടുക്കുന്ന വിഡിയോ മലയാളികള് സോഷ്യല് മീഡിയയില് ഏറ്റെടുത്തിരിക്കുകയാണ്.
അലന് സഹര് അഹമ്മദ് എന്നയാളാണ് ഇന്സ്റ്റഗ്രാം സ്റ്റോറിയായി ഈ വിഡിയോ ആദ്യം പങ്കുവച്ചത്. പിന്നാലെ ചിത്രത്തിന്റെ സംവിധായകന് രാഹുല് സദാശിവന്, സംഗീത സംവിധായകന് ക്രിസ്റ്റോ സേവ്യര്, കഥാപാത്രത്തെ അവതരിപ്പിച്ച അര്ജുന് അശോകന് എന്നിവരെല്ലാം ഈ വിഡിയോ പങ്കുവെച്ചെത്തി. ഇംഗ്ലണ്ടിലെ ഫണ്ഹാമിലുള്ള യൂണിവേഴ്സിറ്റി ഫോര് ദ് ക്രിയേറ്റീവ് ആര്ട്സിലെ ക്ലാസ് റൂം ആണ് വിഡിയോയില് ഉള്ളത് എന്നാണ് അതില്ത്തന്നെ എഴുതിയിരിക്കുന്നത്.
ലോകനിലവാരമുള്ള ചിത്രങ്ങള് മലയാളത്തില് നിന്ന് സംഭവിക്കുന്നു എന്നതിന്റെ തെളിവായാണ് ഈ വിഡിയോ സോഷ്യല് മീഡിയയില് പങ്കുവെക്കപ്പെടുന്നത്. പൂര്ണമായും ബ്ലാക്ക് ആന്ഡ് വൈറ്റില് ഒരുങ്ങിയ ഹൊറര് ത്രില്ലര് എന്നതാണ് ഭ്രമയുഗത്തിന്റെ പ്രത്യേകത.
മമ്മൂട്ടിയെയും അര്ജുന് അശോകനെയും കൂടാതെ സിദ്ധാര്ഥ് ഭരതന്, അമാല്ഡ ലിസ്, മണികണ്ഠന് ആചാരി എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിച്ചത്. കൊടുമണ് പോറ്റിയെന്ന കഥാപാത്രത്തെയാണ് മമ്മൂട്ടി ചിത്രത്തില് അവതരിപ്പിച്ചത്. ആഗോള തലത്തില് 60 കോടിയിലേറെ നേടിയിരുന്നു ചിത്രം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates