അജിത് കുമാറിനൊപ്പം തുനിവ് സിനിമ ചെയ്തതോടെയാണ് മഞ്ജു വാര്യർ ടൂ വിലറുകളെ സ്നേഹിക്കുന്നത്. സൂപ്പർതാരത്തിനൊപ്പമുള്ള ലഡാക് യാത്രയുടെ വിശേഷങ്ങൾ മഞ്ജു സോഷ്യൽ മീഡിയയിൽ പങ്കുവെച്ചിരുന്നു. അതിനു ശേഷം ടൂ വിലർ ലൈസൻസ് എടുത്ത താരം ബിഎംഡബ്ല്യൂവിന്റെ സൂപ്പർബൈക്കും സ്വന്തമാക്കിയിരുന്നു. ഇപ്പോൾ പുത്തൻ ബൈക്കുമായി സൗബിനൊപ്പം കറങ്ങാൻ ഇറങ്ങിയ മഞ്ജുവിന്റെ ചിത്രങ്ങളാണ് വൈറലാവുന്നത്. 

മഞ്ജു തന്നെയാണ് ചിത്രങ്ങൾ സോഷ്യൽ മീഡിയയിൽ പങ്കുവച്ചത്.  ഞാൻ‌ അഭിമുഖീകരിക്കാത്ത ഭയം പ്രതിബന്ധമാകും. നല്ല സുഹൃത്തുക്കളും ക്ഷമയുള്ള പരിശീലകരുമായി നിന്നതിന് സൗബിനും ബിബിൻ ചന്ദ്രനും നന്ദി. നിങ്ങൾ സൂപ്പർകൂളാണ്.- എന്ന അടിക്കുറിപ്പിലാണ് ചിത്രം പങ്കുവച്ചത്. ബൈക്ക് ഓടിക്കുമ്പോൾ റൈഡിങ് ​ഗിയർ ധരിക്കണമെന്നും താരം കുറിച്ചു. മഞ്ജുവിനെ പ്രശംസിച്ചുകൊണ്ട് നിരവധി കമന്റുകളാണ് പോസ്റ്റിനു താഴെ വരുന്നത്. 

അടുത്തിടെയാണ് മഞ്ജു വാര്യർ ബിഎംഡബ്ല്യുവിന്റെ അഡ്വഞ്ചർ ടൂറർ 1250 ജിഎസ് വാങ്ങിയത്. അജിത് കുമാറിനൊപ്പമുള്ള ടൂവിലർ റൈഡ് നൽകിയ ആവേശത്തിലാണ് താരം ലൈസൻസ് എടുത്തതും ബൈക്ക് വാങ്ങിയതും. ബൈക്ക് ഓടിച്ചു പോകുന്ന മഞ്ജുവിന്റെ വിഡിയോയും വൈറലായിരുന്നു. അമ്മയ്ക്കും ചേട്ടനും ഞാൻ റോഡിലേക്ക് ഒറ്റയ്ക്ക് ബൈക്ക് ഇറക്കുന്നത് പേടിയാണെന്നാണ് മഞ്ജു വാര്യർ പറഞ്ഞിരുന്നു. സൗബിനൊപ്പം അഭിനയിച്ച വെള്ളരിപട്ടണമാണ് മഞ്ജുവിന്റേതായി അവസാനം പുറത്തിറങ്ങിയ ചിത്രം.

ഈ വാർത്ത കൂടി വായിക്കൂ 

'സോപ്പാണ് വിൽക്കുന്നത്, എന്നെയല്ല, 52 കാരിയായ എന്നോട് ഇങ്ങനെ'; പൊട്ടിത്തെറിച്ച് ഐശ്വര്യ, വിഡിയോ

 സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ