ബാലതാരമായി എത്തി മലയാളികളുടെ മനം കവർന്ന കുട്ടിത്താരമാണ് മീനാക്ഷി. ടെലിവിഷൻ ഷോയിൽ അവതാകയായും തിളങ്ങുന്ന മീനാക്ഷിക്ക് അരാധകരും ഏറെയാണ്. സോഷ്യൽ മീഡിയയിൽ സജീവമായ താരം തന്റെ വിശേഷങ്ങളും പങ്കുവയ്ക്കാറുണ്ട്. ഇപ്പോൾ പരീക്ഷ ആരംഭിച്ച വിവരം ആരാധകരെ അറിയിച്ചിരിക്കുകയാണ് താരം. 

പ്ലസ് വൺ വിദ്യാർത്ഥിയാണ് മീനാക്ഷി. പരീക്ഷയ്ക്ക് പോകാൻ തയാറായി ഇറങ്ങുന്ന ചിത്രമാണ് താരം സോഷ്യൽ മീഡിയയിൽ പങ്കുവച്ചത്. യൂണിഫോം ധരിച്ച് തോളിൽ ബാ​ഗുമായി നിൽക്കുകയാണ് താരം. ‘‘വേനൽ ചൂടിൽ നിന്ന് പരീക്ഷാ ചൂടിലേക്ക് ഒരു പാവം പെൺകുട്ടി.’’- എന്ന കുറിപ്പിലാണ് ചിത്രം പോസ്റ്റ് ചെയ്തിരിക്കുന്നത്. 

നിരവധി പേരാണ് പോസ്റ്റിന് താഴെ മീനാക്ഷിക്ക് ആശംസകളുമായി എത്തിയത്. അഭിനയത്തിൽ മാത്രമല്ല പഠനത്തിലും മിടുക്കിയാണ് മീനാക്ഷി. എസ്എസ്എൽസി പരീക്ഷയിൽ മികച്ച വിജയംകൈവരിച്ച മീനാക്ഷി അനൂപ് ഒൻപത് വിഷയങ്ങൾക്കും എ പ്ലസ് നേടിയിരുന്നു. കോട്ടയത്തുള്ള കിടങ്ങൂർ എൻഎസ്എസ് ഹൈസ്കൂൾ വിദ്യാർത്ഥിനിയാണ്. 

ഈ വാര്‍ത്ത കൂടി വായിക്കൂ 

'ബ്രഹ്മപുരത്ത് എന്തെങ്കിലും ചെയ്യേണ്ടേ?' പുണെയില്‍ നിന്ന് കൊച്ചിയില്‍ മടങ്ങിയെത്തിയതിന്റെ പിറ്റേന്ന് മമ്മൂക്കയുടെ വിളി എത്തി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ