മലയാളത്തിന്റെ പ്രിയങ്കരിയായ നായിക മഞ്ജു വാര്യരുടെ പുതിയ ചിത്രങ്ങള്‍ക്ക് സോഷ്യല്‍ മീഡിയയില്‍ വലിയ സ്വീകാര്യതയാണ് ലഭിക്കുന്നത്. ചതുര്‍മുഖം എന്ന പുതിയ ചിത്രത്തിന്റെ പ്രമോഷന്‍ പരിപാടികളില്‍ പങ്കെടുക്കുന്നതിനിടെ പകര്‍ത്തിയ നടിയുടെ ചിത്രങ്ങളാണ് ഈ ദിവസങ്ങളില്‍ സമൂഹമാധ്യമങ്ങളില്‍ നിറഞ്ഞത്. എന്നാലിപ്പോള്‍ ഒരുപിടി പുതിയ ചിത്രങ്ങളുമായി എത്തിയിരിക്കുകയാണ് മഞ്ജു. 

അവിചാരിതമായി എടുത്ത ഒരു ചിത്രമാണ് മുമ്പ് ശ്രദ്ധനേടിയതെങ്കില്‍ ഇക്കുറി മമ്മൂട്ടി പകര്‍ത്തിയ തന്റെ ചിത്രങ്ങളാണ് മഞ്ജു ആരാധകരുമായി പങ്കുവച്ചിരിക്കുന്നത്. മലയാള സിനിമയിലെ പ്രഗല്‍ഭന്‍ മമ്മൂക്ക എടുത്ത ചിത്രം എന്ന് കുറിച്ചാണ് നടി ചിത്രങ്ങള്‍ ഷെയര്‍ ചെയ്തത്. ഇത് നിധിയാണ് എന്നാണ് താരത്തിന്റെ വാക്കുകള്‍. ഇരുവരും ഒന്നിച്ചഭിനയിച്ച ചിത്രമായ ദി പ്രീസ്റ്റ് ഹാഷ്ടാഗില്‍ ചേര്‍ത്തിട്ടുമുണ്ട്. 

മഞ്ജുവിന്റെ കണ്ണുകളില്‍ മറഞ്ഞിരിക്കുന്ന അഗ്നി ഫോട്ടോഗ്രാഫര്‍ കൃത്യമായി പകര്‍ത്തിയെന്നാണ് കമന്റുകള്‍. ഈയടുത്ത് പുളളിക്കാരന്റ കൂടെ കൂടി സൗന്ദരൃരഹസ്യങള്‍ എല്ലാം പഠിച്ചു.. എന്നിങ്ങനെയുള്ള രസകരമായ കമന്റുകളും മഞ്ജുവിന്റെ ചിത്രത്തെ തേടിയെത്തുന്നുണ്ട്.