നടൻ മുകേഷ് അഭിനയത്തിലേക്ക് വരുന്നത് അച്ഛന്റേയും അമ്മയുടേയും ബലത്തിലാണ്. നാടക സംവിധായകനും നടനുമായിരുന്ന ഒ മാധവനും നടി വിജയകുമാരിയുടേയും മകനാണ് മുകേഷ്. ഹാസ്യ കഥാപാത്രങ്ങൾ ഉൾപ്പടെ നിരവധി വേഷങ്ങളിൽ അഭിനയിച്ചിട്ടുള്ള വിജയകുമാരി ഇന്നും മലയാളികൾക്ക് പ്രിയങ്കരിയാണ്. ഇപ്പോൾ അമ്മയുടെ മനോഹരമായ ഒരു ​ഗാനം ആരാധകർക്കായി പങ്കുവച്ചിരിക്കുകയാണ് താരം. 

ചാഞ്ചാടുണ്ണീ... ചരിഞ്ഞാടുണ്ണീ എന്ന ​ഗാനമാണ് വിജയകുമാരി പാട്ടുപാടി അഭിനയിക്കുന്നത്. അമ്മ എന്ന അടിക്കുറിപ്പിലാണ് മുകേഷ് വിഡിയോ പങ്കുവച്ചിരിക്കുന്നത്. ആരാധകരുടെ മനം കവരുകയാണ് വിജയകുമാരിയുടെ വിഡിയോ. പ്രായമെത്ര കഴിഞ്ഞിട്ടും അമ്മ മികച്ച പെർഫോർമർ ആണെന്നാണ് ആരാധകരുടെ കമന്റുകൾ.