കൊച്ചി: അഭിനയത്തിൽ മാത്രമല്ല പാട്ടിലും മൃദം​ഗത്തിലും കഥകളിയിലുമൊക്കെ തന്റെ പ്രതിഭയെ പടർത്തിയ അതുല്ല്യ കലാകാരനാണ് അന്തരിച്ച നെടുമുടി വേണു. ഇപ്പോഴിതാ അത്തരമൊരു അപൂർവ വീഡിയോ പങ്കിട്ടിരിക്കുകയാണ് സംവിധായകൻ രാജീവ് മേനോൻ. 

ശാസ്ത്രീയ സംഗീത കച്ചേരികളിൽ പിന്നണിയിൽ ഉപയോഗിക്കുന്ന തുകൽ വാദ്യമായ ഗഞ്ചിറ വായിക്കുന്ന നെടുമുടി വേണുവിന്റെ വീഡിയോയാണ് രാജീവ് മേനോൻ പങ്കുവച്ചത്. സുപ്രസിദ്ധ മൃദംഗ വിദ്വാൻ ഉമയാൾപുരം കെ ശിവരാമനാണ് നെടുമുടിക്കൊപ്പം ഗഞ്ചിറ വായിക്കുന്നത്.

രാജീവ് മേനോൻ സംവിധാനം ചെയ്ത സർവം താളമയം എന്ന ചിത്രത്തിൽ നെടുമുടി അഭിനയിച്ചിരുന്നു. ജിവി പ്രകാശ്, അപർണ ബാലമുരളി തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിച്ചത്.