മലയാളികളുടെ പ്രിയപ്പെട്ട യുവതാരങ്ങളിലൊരാളാണ് നിവിൻ പോളി. നിവിന്റെ കരിയറിൽ തന്നെ നിർണായകമായി മാറിയ ചിത്രങ്ങളിലൊന്നായിരുന്നു പ്രേമം. ഇപ്പോഴിതാ നിവിൻ തന്റെ സോഷ്യൽ മീഡിയയിൽ പങ്കുവച്ച പുതിയ ചിത്രങ്ങൾക്ക് പിന്നാലെയാണ് ആരാധകർ. നന്നായി മെലിഞ്ഞ് സ്റ്റൈലിഷ് ലുക്കിലാണ് നിവിനെ ചിത്രങ്ങളിൽ കാണാനാവുക. നിമിഷ നേരം കൊണ്ടാണ് നിവിന്റെ ചിത്രം സോഷ്യൽ മീഡിയയിൽ വൈറലായി മാറിയത്.

താരങ്ങളടക്കം നിരവധി പേരാണ് നിവിന്റെ ചിത്രങ്ങൾക്ക് കമന്റുമായെത്തിയിരിക്കുന്നത്. 'നിവിൻ പോളി അല്ല നിവിൻ പൊളി', 'ബോഡി ഷെയിമിങ് ചെയ്യുന്നോടാ പട്ടികളെ... തിരുമ്പി വന്തിട്ടേന്ന് സൊല്ല്', 'പവർഫുൾ കംബാക്ക്', 'ഇങ്ങനെ ഒരു വരവ് ഞങ്ങൾ പ്രതീക്ഷിച്ചതാ', 'ഒറ്റക്ക് വഴിവെട്ടി വന്നവനാടാ', 'ഇനി പ്രേമം പോലൊരു പടവും കൂടി'- എന്നൊക്കെയാണ് നിവിന്റെ ചിത്രങ്ങൾക്ക് താഴെ വരുന്ന കമന്റുകൾ.

'താരങ്ങള്‍ സിനിമ നിര്‍മിക്കാന്‍ പാടില്ല എന്ന് പറയുന്നത് എന്ത് വൃത്തികേടാണ്?; കിട്ടാവുന്ന ​ഗുണങ്ങളെല്ലാം കൈപ്പറ്റിയിട്ട് കുറ്റം പറയുന്നു'

ഇടയ്ക്ക് ശരീരഭാരം കൂടിയപ്പോൾ വൻ തോതിലുള്ള ബോഡി ഷെയിമിങ്ങിനും നിവിൻ ഇരയായിരുന്നു. അതേസമയം നിരവിധ സിനിമകളാണ് നിവിന്റേതായി ലൈൻ അപ്പിലുള്ളത്. നയന്‍താരയ്ക്കൊപ്പമെത്തുന്ന ഡിയര്‍ സ്റ്റുഡന്‍സ് എന്ന ചിത്രമാണ് നിവിന്‍റെ റിലീസിനൊരുങ്ങുന്ന ചിത്രം. തമിഴ് സംവിധായകന്‍ റാം ഒരുക്കുന്ന ഏഴ് കടൽ ഏഴ് മലൈ എന്ന ചിത്രവും നിവിന്‍ പോളിയുടേതായി പുറത്തെത്താനുണ്ട്.