തങ്കലാന് വേണ്ടിയുള്ള കാത്തിരിപ്പിലാണിപ്പോൾ തെന്നിന്ത്യൻ സിനിമ പ്രേക്ഷകർ. സംവിധായകനും താരങ്ങളുമെല്ലാം ചിത്രത്തിന്റെ പ്രൊമോഷൻ തിരക്കുകളിലാണിപ്പോൾ. വിക്രം, പാർവതി, മാളവിക മോഹനൻ, പശുപതി തുടങ്ങിയവരാണ് ചിത്രത്തിൽ പ്രധാന വേഷത്തിലെത്തുന്നത്. കർണാടകയിലെ കോലാർ ഗോൾഡ് ഫീൽഡ്‌സിനെ (കെജിഎഫ്) ചുറ്റിപ്പറ്റിയാണ് ചിത്രം.

യഷ് അഭിനയിച്ച കെജിഎഫിൻ്റെ ട്രെയ്‌ലർ കണ്ടപ്പോൾ തങ്കലാൻ്റെ നിർമ്മാണം താത്ക്കാലികമായി നിർത്തി വച്ചുവെന്ന് പറയുകയാണ് പാ രഞ്ജിത്. താൻ നേരത്തെ തങ്കാലനുള്ള ഒരുക്കങ്ങൾ തുടങ്ങിയിരുന്നു. എന്നാൽ കെജിഎഫിൻ്റെ നിർമ്മാതാക്കൾ ചിത്രത്തിൻ്റെ ട്രെയ്‌ലർ പുറത്തിറക്കിയപ്പോൾ ഒരു നിമിഷം ഞാൻ ഞെട്ടിപ്പോയി. പിന്നെ തങ്കലാന്റെ ജോലികൾ താത്ക്കാലികമായി നിർത്തിവെക്കേണ്ടി വന്നെന്നും പാ രഞ്ജിത്ത് പറഞ്ഞു.

കെജിഎഫ് ആദ്യം കാണാമെന്ന് തീരുമാനിച്ചു. സിനിമ കണ്ടപ്പോഴാണ് പ്രശാന്ത് നീലിന്റേതിൽ നിന്ന് തന്റെ കഥ തികച്ചും വ്യത്യസ്തമാണെന്ന് മനസിലായത്. തങ്കലാൻ വൈകിയതിന്റെ കാരണവുമിതായിരുന്നു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

കെജിഎഫിൽ നിന്ന് വ്യത്യസ്തമാക്കാൻ കാര്യമായ മാറ്റങ്ങൾ വരുത്തിയതിന് ശേഷമാണ് തങ്കലൻ വീണ്ടും തുടങ്ങിയത്. ഹിന്ദി, തമിഴ്, തെലുങ്ക്, കന്നഡ, മലയാളം ഭാഷകളിലാണ് ചിത്രമെത്തുക. ജിവി പ്രകാശാണ് ചിത്രത്തിന് സം​ഗീതമൊരുക്കുന്നത്. തങ്കലാൻ ട്രെയ്‌ലറിനും വൻ സ്വീകാര്യതയാണ് ലഭിച്ചത്.