നടിയും ഫാഷൻ ഡിസൈനറുമായി ആരാധകരുടെ മനം കവർന്ന താരമാണ് പൂർണിമ ഇന്ദ്രജിത്ത്. ജീവിതത്തിലെ രസകരമായ അനുഭവങ്ങൾ താരം ആരാധകരുമായി പങ്കുവയ്ക്കാറുണ്ട്. ഇപ്പോൾ നിർമാണത്തിലിരിക്കുന്ന പുതിയ വീട്ടിൽ നിന്ന് പൂർണിമ പങ്കുവച്ച് വിഡിയോ ആണ് വൈറലാവുന്നത്. 

വീടിന്റെ തേപ്പു പണി ചെയ്യുന്ന പൂർണിമയെയാണ് വിഡിയോയിൽ കാണുന്നത്. ചുമരു തേക്കുന്നത് എങ്ങനെയെന്ന് തന്റെ പണിക്കാർക്ക് ക്ലാസെടുക്കുകയാണ് താരം. ഹിന്ദിയിലും മലയാളത്തിലുമായി തേപ്പിലെ പ്രശ്നങ്ങളാണ് പൂർണിമ പറയുന്നത്. സ്വന്തം വീടിന്റെ പണി സ്വയം ചെയ്യുമ്പോൾ കിട്ടുന്ന സന്തോഷം എന്ന അടിക്കുറിപ്പിലാണ് താരം വിഡിയോ പങ്കുവച്ചിരിക്കുന്നത്. 

എന്തായാലും സോഷ്യൽ മീഡിയയിൽ വൈറലാവുകയാണ് തേപ്പ് വീഡിയോ. ഇത്രയും നല്ല തേപ്പുകാരിയെ കണ്ടിട്ടില്ലെന്നാണ് ചിലരുടെ കമന്റ്. വളരെ പ്രൊഫഷനലായ രീതിയിലാണ് പൂർണിമ തന്റെ വീട് തേക്കുന്നതെന്ന് അഭിപ്രായപ്പെടുന്നവരും നിരവധിയാണ്. മകൾ പ്രാർത്ഥനയേയും പൂർണിമയുടെ വിഡിയോയിൽ കാണാം. 

ഈ വാർത്ത കൂടി വായിക്കാം

'അടികൊണ്ട് വശം കെട്ടു, ഇത്തിരിപ്പോന്ന എന്നെക്കൊണ്ട് രണ്ടാഴ്ച്ചയിലേറെയാണ് ആക്ഷന്‍ രംഗങ്ങള്‍ ചെയ്യിച്ചത്'; ഇന്ദ്രൻസ്​

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ