പുലിമുരുകന് ശേഷം മോഹൻലാൽ നായകനായി വൈശാഖ് സംവിധാനം ചെയ്യുന്ന ‘മോൺസ്റ്റർ’ സിനിമയുടെ ഫസ്റ്റ്ലുക്ക് പോസ്റ്റർ പുറത്തിറങ്ങി. ലക്കി സിങ് എന്ന കഥാപാത്രമായാണ് ചിത്രത്തിൽ മോഹൻലാൽ എത്തുന്നത്. ആന്റണി പെരുമ്പാവൂരാണ് ചിത്രം നിർമിക്കുന്നത്. 

പുലിമുരുകൻ ടീം ഒന്നിക്കുന്ന ചിത്രത്തെക്കുറിച്ച് കോവിഡിന് മുൻപ് തന്നെ റിപ്പോർട്ടുണ്ടായിരുന്നു. ഉദയ് കൃഷ്ണനാണ് മോൺസ്റ്ററിന്റെയും രചന.സതീഷ് കുറുപ്പാണ് ഛായാഗ്രഹണം. എഡിറ്റിങ് ഷമീർ മുഹമ്മദ്. സംഗീതം ദീപക് ദേവ്.  നവംബർ 10ന് സിനിമയുടെ ചിത്രീകരണം ആരംഭിച്ചു.

‌മരക്കാർ അറബിക്കടലിന്റെ സിംഹം, ബ്രോ ഡാഡി, ആറാട്ട്, എലോൺ, 12ത്ത് മാൻ തുടങ്ങി നിരവധി ചിത്രങ്ങളാണ് മോഹൻലാലിന്റേതായി പുറത്തിറങ്ങാനുള്ളത്.