സാൻഡൽവുഡിന്റെ ഡിംപിംൾ ക്വീൻ ആണ് രചിത റാം. 2013 ൽ പുറത്തിറങ്ങിയ ബുൾബുൾ എന്ന സിനിമയിലൂടെയായിരുന്നു രചിതയുടെ സിനിമാ അരങ്ങേറ്റം. സൂപ്പർ ഹിറ്റ് ചിത്രങ്ങളിലടക്കം നിരവധി സിനിമകളിൽ രചിത ഇതിനോടകം നായിക ആയിക്കഴിഞ്ഞു. കന്നഡ സിനിമയിൽ ഏറ്റവും കൂടുതൽ പ്രതിഫലം കൈപ്പറ്റുന്ന നടിമാരിലൊരാൾ കൂടിയാണ് രചിത. 2019 ൽ ഉപേന്ദ്ര നായകനായെത്തിയ ഐ ലവ് യു എന്ന ചിത്രത്തിലൂടെ വൻ വിമർശനങ്ങളും രചിതയെ തേടിയെത്തിയിരുന്നു.

ഉപേന്ദ്രയ്ക്കൊപ്പമുള്ള രചിതയുടെ ഒരു പാട്ടിലെ ചൂടൻ രം​ഗമാണ് വിമർശനങ്ങൾക്ക് കാരണമായി മാറിയത്. ഇപ്പോഴിതാ രജനികാന്ത്- ലോകേഷ് കൂട്ടുകെട്ടിലെത്തിയ കൂലിയിലൂടെ തമിഴ് സിനിമാ രം​ഗത്തേക്കും അരങ്ങേറ്റം കുറിച്ചിരിക്കുകയാണ് നടി. കൂലിയിലെ സർപ്രൈസ് കാസ്റ്റിങ്ങിൽ ഒരാളായിരുന്നു രചിത. കൂലിയെ സംബന്ധിക്കുന്ന യാതൊരു വിവരവും ചിത്രം പുറത്തിറങ്ങുന്നതുവരെ രചിത പങ്കുവച്ചിരുന്നില്ല.

അതുകൊണ്ട് തന്നെ നടിയുടെ റോളും സിനിമാ പ്രേക്ഷകർക്ക് വളരെ സർപ്രൈസ് ആയിരുന്നു. കൂലിയിൽ നെ​ഗറ്റീവ് വേഷത്തിലെത്തി കയ്യടി നേടുകയാണിപ്പോൾ താരം. കല്യാണി എന്ന പൊലീസ് ഉദ്യോ​ഗസ്ഥയുടെ വേഷത്തിലാണ് രചിത കൂലിയിലെത്തിയത്.

ഇപ്പോഴിതാ തലൈവർ രജനികാന്തിനൊപ്പമുള്ള ഒരു ചിത്രം പങ്കുവച്ചിരിക്കുകയാണ് രചിത. 'ഈ ഫോട്ടോ എന്റെ ​ഗാലറിയിൽ ഒളിപ്പിച്ചു വച്ചിരുന്നു, പങ്കുവെക്കാനായി ഏറ്റവും പെർഫക്ടായ നിമിഷത്തിനായി കാത്തിരുന്നു. രജനികാന്ത് സാർ ഞാൻ നിങ്ങളെ സ്നേഹിക്കുന്നു'- എന്നാണ് രചിത ചിത്രം പങ്കുവച്ച് കുറിച്ചിരിക്കുന്നത്.

നിരവധി പേരാണ് രചിതയുടെ ചിത്രങ്ങൾക്ക് കമന്റുമായെത്തുന്നത്. രചിതയുടെ പെർഫോമൻസിനെ അഭിനന്ദിച്ചു കൊണ്ടാണ് ഭൂരിഭാ​ഗം പേരും കമന്റ് ചെയ്തിരിക്കുന്നത്. 'കരയുന്ന പെണ്ണിനെ ഒരിക്കലും വിശ്വസിക്കരുത്', 'നിങ്ങളുടെ പെർഫോമൻസ് വേറെ ലെവൽ', 'എന്തൊരു പെർഫോമൻസ് ആയിരുന്നു'- എന്നൊക്കെയാണ് രചിതയുടെ പോസ്റ്റിന് താഴെ നിറയുന്ന കമന്റുകൾ.

അതേസമയം കൂലി തിയറ്ററുകളിൽ വിജയക്കുതിപ്പ് തുടരുകയാണ്. രജനികാന്തിനെ കൂടാതെ നാ​ഗാർജുന, ആമിർ ഖാൻ, ഉപേന്ദ്ര എന്നിവരും ചിത്രത്തിൽ അതിഥി വേഷത്തിലെത്തിയിരുന്നു. സൗബിൻ ഷാഹിർ, സത്യരാജ്, ശ്രുതി ഹാസൻ എന്നിവരും ചിത്രത്തിൽ പ്രധാന വേഷങ്ങളിലെത്തി.