മലയാളത്തിലൂടെ എത്തി തെന്നിന്ത്യൻ സിനിമാലോകത്തിന്റെ മനം കവർന്ന താരമാണ് സായി പല്ലവി. താരത്തിന്റെ വ്യക്തിജീവിതം പലപ്പോഴും ​ഗോസിപ് കോളങ്ങളിൽ ഇടംനേടാറുണ്ട്. ഇപ്പോൾ ചർച്ചയാവുന്നത് സായി പല്ലവിയുടെ പ്രണയത്തേക്കുറിച്ചുള്ള വാർത്തകളാണ്.

വിവാഹിതനും രണ്ടു കുട്ടികളുടെ അച്ഛനുമായ ഒരു നടനുമായാണ് താരം പ്രണയത്തിലാണെന്നാണ് പുറത്തുവരുന്ന വാർത്തകൾ. തെലുങ്കു മാധ്യമങ്ങളാണ് ഇതു സംബന്ധിച്ച് വാർത്തകൾ പുറത്തുവിട്ടത്. തെലുങ്ക് സിനിമയിലെ ഒരു നടനാണ് സായി പല്ലവിയുടെ കാമുകൻ എന്നാണ് അഭ്യൂഹങ്ങൾ. എന്നാൽ താരം ഇതുവരെ ഇതിൽ പ്രതികരണം നടത്തിയിട്ടില്ല.

ഇത് ആദ്യമായിട്ടല്ല സായി പല്ലവിയുടെ പേര് ​ഗോസിപ് കോളങ്ങളിൽ നിറയുന്നത്. എന്നാൽ വാർത്തകൾക്കെതിരെ താരത്തിന്റെ ആരാധകർ ശക്തമായാണ് രം​ഗത്തെത്തുന്നത്. അസൂയാലുക്കളായ ബോളിവുഡ് താരങ്ങൾ നടിക്കെതിരെ ആരോപണം ഉന്നയിക്കുന്നത് എന്നാണ് അവർ പറയുന്നത്. രാമായണം സിനിമയിലൂടെ സായി പല്ലവി ബോളിവുഡിൽ മുൻനിര താരമാകുമോ എന്ന് ചിലർ ഭയക്കുന്നുണ്ടെന്നാണ് ഇവരുടെ വാദം.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

അമരന്‍ ആണ് സായി പല്ലവിയുടെ പുതിയ തമിഴ് സിനിമ. ശിവകാര്‍ത്തികേയന്‍ ആണ് ഈ ചിത്രത്തിലെ നായകന്‍. നാഗ ചൈതന്യയ്‌ക്കൊപ്പം വീണ്ടും അഭിനയിക്കുന്ന തണ്ടേല്‍ എന്ന ചിത്രവും അണിയറയിൽ ഒരുങ്ങുന്നുണ്ട്. നിതേഷ് തിവാരിയുടെ രാമായണത്തിലൂടെ ബോളിവുഡിലേക്ക് അരങ്ങേറാൻ ഒരുങ്ങുകയാണ് താരം. സീതയുടെ വേഷത്തിലാണ് താരം എത്തുന്നത്. രൺബീർ കപൂറാണ് നായകൻ.