പൃഥ്വിരാജ് നായകനാവുന്ന പുതിയ ചിത്രം കടുവയുടെ ആക്‌ഷൻ രംഗങ്ങൾ നിറഞ്ഞ രണ്ടാം ടീസർ പുറത്തിറങ്ങി. രണ്ട് കേന്ദ്ര കഥാപാത്രങ്ങൾ തമ്മിലുള്ള ശത്രുതയാണ് ഒരു മിനിറ്റ് ടീസറിൽ കാണിക്കുന്നത്. ഹൈറേഞ്ച് മേഖലയിൽ സ്ഥിരതാമസമാക്കിയ കടുവാക്കുന്നേൽ കുറുവച്ചൻ എന്ന വ്യവസായിയുടെ വേഷമാണ് ചിത്രത്തിൽ പൃഥ്വി അവതരിപ്പിക്കുന്നത്. കുറുവച്ചൻ അഥവാ കുര്യൻ പുതിയതായി ചുമതലയേൽക്കുന്ന ഒരു ഉന്നത പൊലീസുകാരനുമായി കൊമ്പുകോർക്കുമ്പോൾ തുടങ്ങുന്ന പോരാട്ടങ്ങളാണ് ഇതിവൃത്തം.

നീണ്ട ഇടവേളയ്ക്ക് ശേഷം ഷാജി കൈലാസ് ഒരുക്കുന്ന ചിത്രമാണ് കടുവ. ജിനു വി എബ്രഹാമിന്റേതാണ് തിരക്കഥ.ലൂസിഫറിന് ശേഷം വിവേക് ഒബ്രോയ് മലയാളത്തിൽ അഭിനയിക്കുന്ന ചിത്രം എന്ന പ്രത്യേകതയും ഈ സിനിമയ്ക്കുണ്ട്. ജയിംസ് ഏലിയാസ് മാഞ്ഞിലേടത്ത് എന്ന ഐപിഎസ് ഉദ്യോഗസ്ഥനായി വിവേക് ഒബ്റോയ് എത്തുന്നത്. സംയുക്ത മേനോൻ, സീമ, അർജുൻ അശോകൻ, സിദ്ദിഖ്, വിജയരാഘവൻ, സുദേവ് നായർ, കലാഭവൻ ഷാജോൺ, അജു വർഗീസ്, സായ്കുമാർ, ദിലീഷ് പോത്തൻ, രാഹുൽ മാധവ്, ജനാർദനൻ, റീനു മാത്യൂസ്, മീനാക്ഷി, പ്രിയങ്ക നായർ തുടങ്ങിയവരാണ് മറ്റുപ്രധാനവേഷങ്ങളിലെത്തുന്നത്.

പൃഥ്വിരാജ് പ്രൊഡക്‌ഷൻസിന്റെയും മാജിക് ഫ്രെയിംസിന്റെയും ബാനറിൽ സുപ്രിയ മേനോനും ലിസ്റ്റിൻ സ്റ്റീഫനും ചേർന്നാണ് നിർമാണം. സിനിമ ജൂൺ 30 ന് തിയേറ്റർ റിലീസിന് തയ്യാറെടുക്കുകയാണ്.

ഈ വാർത്ത കൂടി വായിക്കാം 

"എന്റെ ജീവിതത്തിലെ സ്നേഹം"; മകൻ നീലിനൊപ്പമുള്ള ചിത്രം പങ്കുവച്ച് കാജൽ അഗർവാൾ 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ